Ministri i Financave dhe Ekonomisë Arben Ahmetaj ka mbledhur sot 100 sipërmarrës të vegjël, ku dhe iu ka sqaruar vendosjen e taksës së TVSH-së, duke specifikuar kategoritë që përjashtohen dhe arsyet. Ai theksoi se askush nuk duhet të keqkuptojë këtë masë, pasi kjo ka synim kryesor formalizimin e ekonomisë së vendit.

Përjashtohen nga TVSH-ja:
1. Ambulantët
2. Shitësit e fruta-perimeve
3. Këpucarët
4. Zejtarët
5. Berberët

Shitësit e fruta dhe perimeve, këpucarët, zejtarët apo edhe berberët nuk janë pjesë e detyrimit të tillë dhe janë mbi 60 mijë në vend. Por, në disa raste Ahmetaj u vu në vështirësi nga komente dhe pyetjet e sipërmarrësve të vegjël.

Biznesi i vogël: Lufta midis teje dhe gjithë administratës tjetër është lufta midis të ardhurave, por në këtë mes duhet një drejtësi për të marrë dhe një drejtësi për të dhënë.

Arben Ahmetaj: Ju thatë që ne jemi në luftë. Ne vetëm në luftë nuk jemi. Ne jemi përkundrazi bashkë në një front kundër informalitetit.

Biznesi i vogël: Unë që sot do ngre biznesin tim. Kërkoj mbeshtetjen e organeve tatimore, sepse çmimi nuk do rritet ose më saktë mua më është ulur çmimi, për shkak të konkurrencës së pandershme. Janë dy subjekte në Vlorë, që e kanë tregtinë pa fatura me TVSH dhe shes patatina ata më falimentojnë.

Arben Ahmetaj: Shembulli i tuaj është shembulli që ne na detyron që të mbrojmë biznesin e ndershëm.

TVSH-në do ta paguajnë të gjitha bizneset që kanë të ardhura mbi 2 milion lekë dhe kjo nuk do të ndikojë në rritjen e çmimeve, garantoi Ahmetaj.
------------------------------------------
IN Tv Albania

Follow us:
[ Ссылка ]
[ Ссылка ]
[ Ссылка ]

Offcial website:
[ Ссылка ]

свернуть