БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Бүгінгі шығарылымда:
Семейде бас шыршаны құруға мұғалімдерді міндеттеген білім бөлімінің басшысы қызметінен босатылды. Қала әкімінің орынбасары мен үш бірдей мектеп директорына да қатаң сөгіс берілді. Себебі, шыршаны орнату кезінде қазақ тілі және әдебиеті пәнінің мұғалімі бес метр биіктен құлап, ауыр жарақат алған болатын. Дәрігерлер Қуат Айтқалиевтың бас сүйегі сынып, миы шайқалған деп отыр. Оқиға қалай болған? Зардап шеккен педагогтың жұбайы не дейді? Қаланы жаңа жылдық безендіру жұмыстарына қанша мұғалім тартылған? Өңірдегі әріптесім біліп келді.
ДИНАРА ЕРБОЛҚЫЗЫ, тілші:
– Қуат Айтқалиев дәл осы орталық алаңдағы Жаңа жылдық шыршадан сенбі күні құлаған. Куәгерлердің айтуынша, оқиға таңғы он бірлер шамасында болыпты. Бес метр биіктіктен жерге оңбай түскен ұстаз бірден ауруханаға жеткізілген. Ал, мектеп мұғалімдері бастаған шаруаны жұмысшылар аяқтап, қаланың бас шыршасын құрып қойған екен.
Ауыр жарақатпен жансақтау бөліміне түскен педагогқа дәрігерлер бірден ота жасапты. Науқастың бас сүйегі сынып, миы шайқалған. Бірақ қазір жағдайы жақсарып, палатаға ауыстырылды дейді ақ халаттылар.
БЕРІКБОЛ ТОҚМОЛДИНОВ, Абай облыстық ауруханасының дәрігері:
– Операция сол күні жасалды. Операцияда науқастың бас сүйегі сынған және де бас миына қан құйылған болып шықты. Операцияда қанның көлемін алдық. Қазір науқас нейрохирургия бөлімінде. Қазір денсаулығына қауіп төніп тұрған жоқ. Науқас реабилитациялық емін қазір қабылдауда.
Күйеуінің денсаулығына алаңдаған Сымбат Аянқызы екі күннен бері емдеу мекемесінде жүр. Келіншек ұстаздарды қара жұмысқа салу барып тұрған бассыздық деп отыр. Сондықтан кінәлілер жазаланып, бұл оқиға өзгелерге сабақ болуы тиіс дейді. Ал Қуат Айтқалиев қазақ тілі мен әдебиеті пәнінен сабақ береді екен.
СЫМБАТ АЯНҚЫЗЫ, Қуат Айтқалиевтың жұбайы:
– Бұл адам тағдырымен ойнау ғой. Мен білмеймін қазір оның жағдайын. Қалай болатынын. Өте қиын, ауыр жағдай. Мен өзім де педагогпын. Бұл жерде біз естуіміз бойынша акимат білім бөліміне приказ береді. Олар директорға приказ береді. Қағаз жүзінде болмаған.
Әкімдіктегілер Жаңа жылдың негізгі нышанына айналған ағашты 25 миллион теңгеге сатып алғандарын айтады. Шыршаны еріктілер құрып, безендіру керек болған екен. Алайда бұл жұмысқа тоғыз мұғалім тартылыпты. Қызметтік тексеріс барысында бұл жағдайға қалалық білім бөлімінің басшысы мен мектеп директорлары кінәлі болып шыққан.
НҰРЖАН АХМЕТҚАЛИЕВ, Абай облысы білім басқармасының басшысы:
– Қала әкімінен өтініш түскен білім бөлімі басшысына. Ол басқармаға ескертпей, өздігінен шешім қабылдап, бұл жағдай орын алды. Тексеріс қорытындысы бойынша аталған қайшылыққа жол берген үш мектептің директорына қатаң тәртіптік жаза қолданылды. Семей қаласы білім бөлімінің басшысы қызметінен босатылды.
Сондай-ақ жұмысын дұрыс ұйымдастырмаған қала әкімінің орынбасары да қатаң сөгіс алды. Ал жергілікті билік өкілдері мұғалімнің еміне кететін шығын түгел өтеледі деп отыр. Күллі ел талқыға салған келеңсіз жайтты Оқу-ағарту министрі Ғани Бейсембаев бақылауына алып, бұл заңды өрескел бұзу деген пікір білдірді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
