#oranews

Policia greke dhe agjencia amerikane e antidrogës kanë goditur një rrjet ndërkombëtar të trafikimit të narkotikëve që kishte si pjesëtar edhe shqiptarë.

Dy shtetas shqiptarë, nga të cilët njëri me pasaportë greke, dhe një shtetas kroat, u arrestuan nga policia e Selanikut për trafikimin e 324 kg kokainë të pastër.

Dy shqiptarët dyshohet se janë edhe krerët e rrjetit kriminal.

Ata po monitoroheshin pasi kishin marrë në dorëzim një kontejner nga jashtë në zonën e Vardarit, të mbushur me lëndët narkotike që besohet se vinin nga Amerika Latine.

Të premten, dy shqiptarët prisnin ta shkëmbenin sasinë me bashkëpunëtorët kroatë.

Operacioni për ndalimin e tyre rezultoi pjesërisht i suksesshëm pasi njëri prej kroatëve mundi t’i shpëtojë arrestimit duke u hedhur nga apartamenti që ishte marrë me qira në Selanik.

Sasia prej 324 kg kokainë e pastër ishte e ndarë në 260 pako, ndërsa në pronësinë e të dyshuarve u gjetën edhe mbi 5 mijë euro vlera monetare, 5 celularë dhe një kompjuter i vogël.

Policia greke tha se asnjë prej të arrestuarve nuk ka precedentë penalë, madje dy shqiptarët ishin investitorë në disa hotele në ishullin e Rodit.

Kriminelët shqiptarë në Greqi u bënë sërish protagonistë gjatë ditës, në kuadër të një tjetër operacioni kundër trafikimit të lëndëve narkotike.

Një 45-vjeçar me emrin Adrian dhe bashkëpunëtorja e tij shqiptare u zbuluan nga qentë e policisë në zonën e Mikonosit, duke tentuar të shisnin kokainë në Athinës dhe në ishull.

Disa qindra gramë lëndë narkotike ishte fshehur brenda një pelushi që 45-vjeçari shqiptar mësohet se ia kishte dhuruar për ditëlindje bashkëpunëtores së tij.

Follow TV Ora dhe RTV Ora News

Subscribe To "Ora News" on YouTube Channel for NEWS HERE: [ Ссылка ]

Subscribe To "Ora News" on YouTube Channel for TV Shows HERE [ Ссылка ]

For more content from click HERE www.oranews.tv

Like Ora News on Facebook HERE [ Ссылка ]

Follow Ora News on Instagram Here [ Ссылка ]

Follow Ora News on Twitter [ Ссылка ]

свернуть