Միգրացիայի եւ քաղաքացիության ծառայության պետ Արմեն Ղազարյանի հարցազրույցի հիմնական շեշտադրումները.
• Եզակի են դեպքերը, երբ ԼՂ- ից տեղահանվածները ԵՄ որևէ երկրից հետ են վերադարձվել Հայաստան, քանի որ այստեղ նրանց արդեն իսկ պաշտպանություն տրվել է։ Այս դեպքում երրորդ երկրում պաշտպանություն հայցելը այդ երկրի կողմից դիտվում է զուտ որպես միգրացիոն տեղաշարժ։
• Շատ տարբեր պատկերացումներ կարող են ձևավորվել, թե ինչ է նշանակում վիզաների ազատականացումը ԵՄ-ի հետ:
• Շատերը կարող են մտածել, որ ԵՄ հետ վիզաների ազատականացումը աշխատելու հնարավորություն է, մինչդեռ խոսքը կարճաժամկետ այցելության՝ Շենգենյան վիզաների պահանջի վերացման մասին է։
• 2026 թվականի գարնանը Հայաստանը կունենա արդեն ներդրված կենսաչափական համակարգ։
• Հայաստանում քաղաքացիության շնորհման ու դրանից հրաժարվելու տուրքերը բարձրացել են։ 1997 թվականին ներդրված տուրքերը որևէ անգամ չեն վերանայվել, և քաղաքացիության շնորհման համար հազար դրամ պետական տուրքը, իմ կարծիքով, ոչ միայն անլուրջ է, այլ նաև ցույց է տալիս մեր վերաբերմունքը մեր քաղաքացության ինստիտուտի նկատմամբ:
• Անշուշտ, անօրինական միգրացիա գոյություն ունի։ Ռուսաստանի Դաշնությունը իր միգրացիոն օրենսդրության մեջ բավականին էական խստացումներ է մտցրել է, դրանց կապակցությամբ խորհրդակցություններ դեռ չեն եղել։ Առաջիկա ամիսներին այդ կոնսուլտացիաներից հետո հնարավոր կլինի առարկայական խոսակցություն։
