Bu gün Azərbaycanda Ordu Günüdür. 1918-ci il iyunun 26-da Azərbaycan Demokratik Respublikası Nazirlər Şurasının qərarı ilə ilk müntəzəm hərbi hissə - əlahiddə Azərbaycan korpusu yaradılıb. Bu qərar Şərqin müsəlman aləmində ilk demokratik hökumətin öz ordusunu yaratmasına hüquqi əsas verirdi. Ancaq 1920-ci il aprel işğalından sonra Milli Ordu ləğv edildi. Müstəqillik illərində Milli Ordunun yaradılması haqqında qərar qəbul edildi. Ümumilli lider Heydər Əliyevin 22 may 1998-ci il tarixli fərmanı ilə ədalət bərpa olundu. 26 iyun- Azərbaycan Respublikası Silahlı Qüvvələri Günü elan edildi. Qeyd edək ki, Ümumilli Lider Heydər Əlivev tərəfindən başlanan ordu quruculuğu Prezident İlham Əliyev tərəfindən ən yüksək səviyyəyə çatdırıldı. Artıq ən müasir silahlara sahib olan Azərbaycan ordusu həm də peşəkar şəxsi heyətə malikdir. Bu gün Qafqazda ən müasir ordu hesab olunan Azərbaycan Ordusu Hərbi Hava və Hava Hücumundan Müdafiə, Hərbi Dəniz və Quru qoşunlarından ibarətdir. MDB çərçivəsində Azərbaycan hava hücumundan müdafiə qüvvələrinə malik ən güclü ölkələrdən sayılır. Büdcə vəsaiti ildən-ilə artırılan Azərbaycan Silahlı Qüvvələrinin buna müvafiq olaraq hərbi imkanları da genişlənir. Azərbaycan ordusunun bütün qoşun növləri potensial rəqiblə effektiv mübarizə aparmaq iqtidarındadır. Müzəffər Ali Baş Komandan İlham Əliyevin rəhbərliyi ilə Azərbaycan ordusu bu potensialı 44 günlük Vətən Müharibəsində yüksək səviyyədə nümayiş etdirdi və düşmən üzərində zəfər çaldı.
[ Ссылка ]
[ Ссылка ]
[ Ссылка ]
#ictimaitv #video #televiziya #baku #videolar #itv
