Жедел-іздестіру іс-шараларын өткізу барысында полицейлер синтетикалық есірткінің ірі партиясын жеткізу арнасын жойды.
Кенесары көшесінің бойында 22 жасар азамат ұсталып, оны тінту барысында мөлшерлеп бөлініп салынған синтетикалық есірткі табылған.
Ұсталған есірткі сатушы уақытша ұстау изоляторына қамалды, оның басқа есірткі қылмыстарына қатыстылығын және қылмыстық байланыстарын анықтау бойынша тергеу жүргізілуде,
Фармацевтердің есірткіге тәуелді адамдарға құрамында кодеині бар препараттарды рецептісіз сату фактілерінің жолын кесу мақсатында полицейлер елорда аумағында жедел-алдын алу іс-шарасын өткізіп, 5 күннің ішінде 18 есірткі құқық бұзушылығын, оның ішінде аса ірі көлемдегі есірткі заттарын сақтаудың 2 фактісін анықтаған.
115 дәріхана, 6 қойма, 6 емдеу-алдын алу мекемесі және 6 өнеркәсіптік кәсіпорын тексеріліп, полицейлер елорданың екі дәріханасынан дәрігердің рецептісіз құрамында кодеині бар дәрілік препараттарды өткізу фактісін анықтаған.
Құқық бұзушылықтар бойынша материалдар дәріханалардың иесін Қазақстан Республикасы ӘҚБтК-нің 426-бабы бойынша (Фармацевтикалық қызметтің және дәрілік заттардың, медициналық мақсаттағы бұйымдар мен медициналық техниканың айналысы саласының қағидаларын бұзу) әкімшілік жауаптылыққа тарту үшін «Қазақстан Республикасы ІІМ медициналық және фармацевтикалық қызметті бақылау комитетінің Нұр-Сұлтан қаласы бойынша департаменті» ММ-ға жолданды.
Ағымдағы жылдың басынан бастап Полиция департаменті есірткімен байланысты 29 қылмыстық іс қозғаған, тергеп-тексеру барысында есірткіні өткізумен айналысатын 18 адам жауаптылыққа тартылып, Заңсыз айналымнан 23 келі түрлі есірткі заты алынған.
#qriim_mvdrk
#police_nur_sultan
#polisiakz
#департаментполициигороданурсултан
#нұрсұлтанқаласыныңполициядепартаменті
