Mënyra e nxënies përmendsh të Kuranit famëlartë dhe përforcimit të tij ndahet në dy shtigje:
Shtegu i parë: Ka të bëjë me nxënien përmendsh për herë të parë. Përfshinë mësimin përmendsh të gjysëm faqeje më ditë, mësimin përmendsh të një faqeje në ditë, mësimin përmendsh të dy faqeve në ditë.
Shtegu i dytë: Ka të bëjë me përforcimin e asaj që është mësuar përmendsh kohë më parë. Ky shteg përmban përforcimin e tri faqeve në ditë, dhe përforcimin e katër faqeve në ditë.
Ky shteg është i veçantë për ata që veçse e kanë mësuar njëherë Kuranin përmendsh, mirëpo nuk e kanë memorizuar e forcuar aq sa duhet.
Rruga që duhet ndjekur përgjatë mësimit të Kuranit përmendësh dhe përforcimit të tij ndërtohet mbi tri etapa: mësimi përmendsh (hifzi), lidhja mes asaj që është mësuar dhe përsëritja. Të gjitha këto tri etapa janë të rëndësishme dhe s’bën të neglizhohet asnjëra prej tyre.
Mësimi përmendësh (hifzi): Mësimi përmendësh i Kuranit të madhërishëm, për të dyja shtigjet, duhet të jetë si vijon:
1) Nxënësi e dëgjon një recitues të Kuranit, që ka lexim të mirë, në bazë të rregullave kuranore të bukur leximit, të njohura si rregullat e texhvidit. Ai në shtegun e parë e dëgjon për një faqe tre herë. Ndërsa në shtegun e dytë mjafton ta dëgjojë një herë. E kjo me qëllim që të jetë i sigurtë se ka mësuar mirë dhe nuk bën ndonjë gabim të mundshëm gjatë nxënies përmendësh.
2) Nxënësi pastaj duhet të lexojë një tefsir (komentim) të faqes së caktuar për ta mësuar përmendësh, e kështu të njihet me kuptimet e ajeteve.
3) Tani i vjen radha nxënies përmendsh të faqes. Por, para se të fillojë mësimin përmendësh duhet pasur kujdes dy çështje:
a. Të kesh kujdes për vend-ndaljet dhe ato të fillimeve të ajeteve në faqen përkatëse.
b. Përderisa je duke e mësuar faqen e caktuar përmendësh, duhet që pas mësimit të asaj faqe të mësosh edhe një rreshti të ri të faqes vijuese dhe t’i përsërisësh së bashku, me qëllim që të arrihet lidhshmëria në mes të faqeve.
4) Pasi që nxënësi të jetë i bindur se e ka mësuar përmendësh faqen e caktuar, tani e hap mjetin incizues dhe e këndon faqen tri herë radhazi duke e incizuar vetveten. Më pas e fut veten në provim duke e dëgjuar incizimin e vet e në të njëjtën kohë duke e përcjellë faqen e mësuar në Mus’haf, për t’u siguruar se ka shpëtuar nga gabimet e mundshme gjatë mësimit përmendësh.
Nëse vetëm një herë ka gabuar në njërën nga tria herët, e rifillon këtë hap edhe njëherë që nga fillimi, asilloj që e këndon faqen e nxënë përmendësh tri herë duke e përsëritur incizimin, derisa të mos e bëjë asnjë gabim. Pastaj kalon në hapin vijues.
5) Tani fillon ta përsërisë atë që e ka nxënë përmendsh.
Për shtegun e dytë e përsëritë 30 herë, ndërsa për të parin (atë të mësimi të Kuranit për herë të para përmendsh) e përsërit 40 herë. Çdo herë që gabon gjatë kësaj përsëritje, nuk e llogarit atë, por e fillon edhe njëherë të recitojë pa gabime, e kështu çdo lexim të suksesshëm e llogaritë, derisa ta arrijë numrin e caktuar mësipërm.
Nëse nxënësi ka për të mësuar më shumë se një faqe në ditë, i përsëritë të gjitha hapat e mësipërme edhe në faqen e dytë, të tretë e kështu me radhë.
6) Të nesërmen, nxënësi para se të fillojë më mësimin e faqes së re me programin e mësipërm, duhet ta përsërisë faqen e mësuar pesë herë (përsëritja e të djeshmes), e pastaj të kalojë në faqen e re (përsëritja e të sotmes).
Lidhja: është përsëritja përmendësh vetëm një herë e të gjitha faqeve të mësuara brenda 30 ditëve.
Përsëritja: Është fjala për përsëritjen e asaj që e ke mësuar përmendsh më herët, një herë të vetme brenda 6 ditëve, kuptohet që pa shikuar në Mus’haf.
Me atë që është mësuar përmendsh më herët kemi për qëllim atë pjesë që është mësuar para 30 ditëve e më shumë.
Atëherë, kur të fillosh të mësosh përmendsh faqet e para, vazhdon lidhjen mes tyre për 32 ditë, derisa kur të hysh në ditën e 33, i largon nga programi ditor i përsëritjes se faqeve 6 faqet e para. Pastaj me kalimin e gjashtë ditëve tjera, i largon edhe 6 faqet e dyta, e kështu me radhë. Pra, me kalimin e ditëve i shton 6 faqe të reja dhe i largon 6 të vjetra.
Siç po vërehet, lidhja në mes faqeve të mësuara zgjatë prej 25-30 ditë.
Kësisoj ato faqet e larguara nga lidhja, të hershmet duhet përsëritur njëherë brenda 6 ditëve.
Duhet gjithashtu që leximi i faqeve të jetë lexim i rrjedhshëm, me shpejtësi mesatare pa u nxituar shumë por as pa u ngadalësuar fort.
Kudo qofsh në botë mund të kesh qasje në këtë program të dizajnuar, me disa këshilla e udhëzime përkatëse, mjafton t’i vizitosh lidhjet në faqet vijuese:
Shtegu i parë: Mësimi i ri përmendsh
1- Mësimi i gjysmë faqeje përmendsh
[ Ссылка ]
2- Mësimi i një faqeje përmendsh
[ Ссылка ]
3- Mësimi i dy faqeve përmendsh
[ Ссылка ]
Shtegu i dytë: Përforcimi i mbajtjes mend të Kuranit
1- Përforcimi i tri faqeve në ditë
[ Ссылка ]
2- Përforcimi i katër faqeve në ditë
[ Ссылка ]

свернуть