Pa një takim trepalësh kanë përfunduar bisedimet në Bruksel ndërmjet palës kosovare dhe asaj serbe. Gjatë ditës në Bruksel emisari i BE-së për dialogun Miroslav Lajcak ka takuar ndaras fillimisht kryenegociatorin e Kosovës Besnik Bislimi e më pas edhe atë të Serbisë Petar Petkoviç.
Zv/kryeministri i Kosovës, Besnik Bislimi, ka thënë se në takimin me të dërguarin e Bashkimit Evropian për dialogun Prishtinë-Beograd, Miroslav Lajçak, nuk kanë diskutuar për draftin e Asociacionit të komunave me shumicë serbe. Në një prononcim pas përfundimit të takimit, Bislimi ka thënë se pa u nënshkruar të tri marrëveshjet, nuk do të fillojë puna për formimin e Asociacionit.
“Në agjendë ka qenë si pikë diskutimi për draftin e Asociacionit. I kemi treguar Lajçakut se kemi pozicion të qartë siç e ka dhënë kryeministri më 26 tetor. Jemi të gatshëm ta pranojmë dokumentin e plotë, të nënshkruajmë së bashku me dy dokumentet tjera. Nuk mund të nisë puna pa nënshkrim, pasi duhet garancia që kemi marrëveshje të vlefshme, e cila pastaj krijon detyrime edhe për palën tjetër”.
Ndryshe nga Bislimi kryenegociatori i Serbisë, Petkoviç ka thënë se në takim me Lajçakun kanë biseduar për draft-statutin e Asociacionit të komunave me shumicë serbe, për energjinë dhe të pagjeturit. Ai tha se formimi i Asociacionit është “hapi i parë konkret që populli serb në Kosovë e ka pritur për më shumë se 10 vjet”.
Tv Klan
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
