Шымкентте «2022 жылғы Қазақстанның үздік тауары» атты үш күндік өңірлік байқау-көрмесі ашылды. Шараға мегаполисте жұмыс істейтін 70-тен астам кәсіпорын өз өнімдерін әкелген. Орталық саябақта өтіп жатқан көрмеде халықтың сұранысына ие және сапалы тауарлар анықталмақ.
Шымкенттің "Үздік тауарлар" көрмесіне түрлі тәттілерден бастап, азық-түлік, киім-кешек және халық тұтынатын тауарлар шығарылған. Қаз-қатар қойылған өнімдерді көруге қала тұрғындары ағылып жатыр. Шараға көптен бері нарықта жүрген беделді компаниялардан өзге, кәсібін енді ғана бастағандар да қатысқан. Тұрмысқа қажетті заттарды көрмеге қойған кәсіпкерлер, халық тарапынан қолдан жасаған бұйымдарға сұраныс көп екенін айтады.
ТҮЙМЕГҮЛ ӘБДИЕВА, көрмеге қатысушы кәсіпкер:
– Қазіргі заманғы ана мен қыз тақиясы бар. Сосын тұсаукесерге арналған желетке мен тақияларымыз бар, той-томалаққа кигенге, күнделікті кигенге. Үй жабдықтарына арналған жастықтарымыз бар. Соларды сатамыз.
БЕРІК КЕНЖЕБАЕВ, көрмеге қатысушы компания өкілі:
– Пижама, одан кейін сүлгілер, мына төсек орындары.
Көрмеге фармацевтика, машина жасау, химия, жеңіл өнеркәсіп, ауыл шаруашылығы мен құрылыс индустриясы сияқты 70-тен астам тауар өндіруші өз өнімдерін әкелген. Кәсіпкерлік палата мамандары шағын және орта бизнес өкілдері үшін мемлекет тарапынан жасалып жатқан қолдаудың түрі көбейген дейді.
НҰРЛАН ҚАБЫШТАЕВ, «Атамекен» ұлттық кәсіпкерлер палатасы Шымкент филиалы директоры:
– Осы көрмеде бүкіл мемлекеттік жасалып жатқан қолдау шараларының нәтижесін көруге болады. Бұл жерде көптеген көсіпорындар "Бастау бизнес", оның ішінде "Жас кәсіпкер", "Бизнес советник" деген жаңағыдай үлкен оқу бағдарламалары. Жергілікті өндірістік индустриалды аймақтарда, өндірістік парктерде, дербес экономикалық аймақтарда орналасқан осы өндіріс мекемелердің барлығы қатысып отыр.
Көрмеге өз өнімдерін ұсынған компаниялардың үздіктерін сараптамалық комиссия «Халық тұтынатын үздік тауар», «Өндірістік мақсаттағы үздік тауар» және «Үздік азық-түлік тауары» сияқты үш номинация бойынша бағалайтын болады. Жеңімпаздар республикалық конкурсқа қатысу құқығына ие болады.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
