ضع لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" لمتابعة شيلات الروقي عبر السناب "

[ Ссылка ]



سرا الليل والسمار قفو عن السمار
وانا اعيش ليل العاشقين بتفاصيله

ياهل عزفة الناي وياهل دقة الاوتار
انا وين احصل واحدً مثلي اشكيله

تعبنا من الاوهام والشوق والتذكار "
وطرد السراب اللي مانجني محاصيله

لو الوقت شاورنا على خيرة الاقدار "
ماصحنا وغنينا [ يادنيا من انتي له ]

رسمنا الاماني كلبوها وحنا صغار
وكبرنا وكلً دمعته فوق منديله '

حياة الشقي كنها تدبل ثمان امرار
وحياة السعيد تمر به كنها ليله "

ياكثر الكلام اللي سجنته ورا الاسوار
اشيله لو ان الصدر مايقدر يشيله "

ابي لي وناسة شايبً عاش بين ابرار
ويتبع هوى ذودً لقاحه مثل حيله "

يشوف السعادة في المرابيع والامطار
لامد النظر ولا ليا مد دربيله "

رفيقي لاتتركني على نهاية المشوار
وانا اللي على جور الدهر مامعي حيله

نبي نستعيد الذاكره واجمل الاسرار
ونرجع على الليل القديم وتعاليله

قبل لاتموت النار لازم .. نشب النار "
مايبلش بها .. الا واحدً باردً حيله "

سلامي سلامً .. فيه معنى ولعب كبار "
مايصعب على المقصود شرحه وتفصيله

مثل مانعيش احرار لازم نموت احرار
لو الوقت معنا يلحق الميله الميله "

ياصبرك على التقليد يامقلد الادوار
ماتنجح لو ان الدور طبقت تمثيله

شبعنا من الترديد والنسخ والتكرار
هذا مسرجً خيله وذا مسرجً خيله "

ترا الشاعر الناجح مايمشي ورا الشعار
مداهيلهم ماهيب تشبه .. مداهيله

شف الفاهم اللي جاب مشروع الاستمطار
قدر يطلع بفكره [ جديده ] على جيله "

معي قو عزم وقو صمله وقو اصرار "
على كل بيتً .. يتعب العقل توصيله

انا مستعد اجيب بيت بـ ثلاث افكار "
ويبلش به الناقد .. بنقده وتحليله "

عموماً تراني ماامدح الا طويل اشبار
ولافيه صعب الا على الله تساهيله

ومدح الرجال اللي لهم هيبه ومقدار
يبي شاعرً ماهيب تشرب فناجيله "

وفيصل فعوله كنها الصارم البتار "
ومن عزوةً تاخذ من المدح تبجيله

هذا فيصل ابن احمد من الصفوه الاخيار
لامن الزمان اضلم تنور قناديله "

هذا غامديً راسه اصوك ودمه حار
ياكم واحدً ماهوب واصل مواصيله

يقول ابشرو بي كل ماكثرت الاشوار
لامال الزمان اسعى على شان تعديله

لاشفنا الرفيق اللي عزومه تقادح نار
سعينا لنصره .. ماسعينا لتعطيله "

على غامد انسوق المدايح بدون اعذار
مديحً الكرام يزيد للشعر تجميله "

مشاكيل قومً فعلهم يخطف الانظار
من اشهر مشاهير الزمان ومشاكيله

رجالً ماترضى بالمهونه والاستعمار
من يناحي فعول المطانيخ ياويله

جبالٍ رست فوق البسيطه مثل سنجار
تفرق مراويح المزن روس اقاذيله "

ترى الطيب كايد والمراجل لها مضمار
وفيصل يهزع المتن للحمل ويشيله.

محله مقرً .. للنشاما و للزوار "
يسابق مطايب عوده اطيب معاميله

قبيلة بني غامد تراهم عمار ديار
سحابٍ يبشر بالحيا لادرج سيله

تعز الخوي والضيف ويقدرون الجار
نباهم شذا الكنبود والورد ( واكليله)

свернуть