Fushata e Zëvendës Presidentes Kamala Harris ka mbledhur 200 milionë dollarë që kur ajo doli si kandidatja e mundshme presidenciale demokrate javën e kaluar, pas tërheqjes së Joe Biden. Ekipi i saj zgjedhor publikoi shifrën finale të dielën dhe tha se pjesa më e madhe e donacioneve, 66 për qind, vijnë nga kontribuesit për herë të parë. Ndërkohë, më shumë se 170,000 vullnetarë janë regjistruar gjithashtu për të ndihmuar fushatën e Harris. “Momenti dhe energjia për Zëvendës Presidenten Harris janë reale – dhe po ashtu janë bazat e kësaj gare: këto zgjedhje do të jenë shumë konkuruese dhe do të vendosen nga një numër i vogël votuesish në vetëm disa shtete”, thotë Michael Tyler, drejtori i komunikimit të fushatës në një memo.
Harris bëri fushatë në Pittsfield, Massachusetts, të shtunën, duke mbledhur qindra njerëz në një event për mbledhje fondesh që ishte organizuar që kur Biden ishte ende në krye të garës së demokratëve. Fillimisht pritej që nga ky event të mblidheshin jo më shumë se 400 mijë dollarë, por në fund, shifra totale ishte 1.4 milion dollarë. Harris mundi të fitonte shpejt mbështetjen e demokratëve, pasi Biden doli nga gara. Ish-kryetarja e Dhomës së Përfaqësuesve, Nancy Pelosi, udhëheqësi i shumicës në Senat, Chuck Schumer, udhëheqësi demokrat i Dhomës së Përfaqësuesve, Hakeem Jeffries, ish-Presidenti Bill Clinton dhe ish-Sekretarja e Shtetit, Hillary Clinton, e së fundmi edhe ish presidenti Barak Obama dhe bashkëshortja e tij Mishel, kanë shpallur mbështetjen e tyre për të.
PAmjeA:FP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#KamalaHarris#Trump
