ايه هي أحسن طريقة للتداول في الأسواق المالية؟
وهنا محتاجين نقف شوية عشان نفهم احنا بندور على ايه
الهدف الرئيسي مش طريقة التداول
الهدف الرئيسي هو النجاح في عملية التداول
والنجاح في الأسواق المالية ليه اكتر من طريقة مش طريقة واحدة
وخلال خبرتي في السوق شفت ناس بتنجح سواء على مستوى افراد او صناديق
بكل الطريق اللي تسمع عنها واللي متسمعش عنها
تحليل فني
تحليل اقتصادي
ميكس ما بين الاتنين
Quant و discretion
كل أنواع الطرق
ناس بتستغل اليوت ووايكوف ونماذج وفوليوم ومن غير فوليوم وكل هذه الأمور
ولكن الحاجة اللي مشفتهاش ان محدش بيقعد يدافع عن الطريقة بتاعته
ودي حاجة بشوفها دايما بشوفها مع المبتدئين وحديثي العهد بالتداول
ان الطريقة اللي بيكسب بيها مش بس بيحبها
بل بتتحول لديانة
بتتحول لمعتقد
تلاقي بتوع الكوانت بينتقدوا الديسركشن
تلاقي بتوع الديسركشن بينتقدوا بتوع المؤشرات
تلاقي بتوع المؤشرات بينتقدوا التحليل الاقتصادي
اذا نجحت استمر في اللي انت بتعمله
ولكن خليك منفتح على ان تتطور نفسك على حاجات حتى لو مش عاجباك
لأن الأسواق المالية بيحصل حاجات كتير
وانت محتاج العديد من الأدوات عشان تنجح مع سيناريوهات السوق المختلفة
وانا شخصيا عندي طريقتي تقدر تدور عليها في اليوتيوب
اسمها طريقة وليد الحلو للتداول
ولكن عمري ما قلت دي الطريقة الوحيدة اللي ممكن تكسب فيها في السوق
وعلى الرغم من كده هتلاقي كتير من الناس في الكومنتات تقولك دي أحسن طريقة ودي أحسن طريقة
حتى لو كانت طريقتي كل الكلام ده فاضي
ركز على هدفك وابعد عن الكلام الفاضي

#تداول #فوركس #الفوركس #تداول_العملات_للمبتدأين #الدولار #forex #forextrading #forextrader #forexsignals

свернуть