د افغانستان د پخواني جمهوري نظام د نسکوریدو او واک ته د طالبانو د رسیدو نیږدې اته میاشتې په تیریدو دي خو لا هم د سیمې د هیوادونو په شمول د نړۍ هیڅ هیواد طالبان په رسمیت نه دي پیژندلي چې له کبله یې نه یوازې سیاسي بلکې اقتصادي بې ثباتې هم رامنځ ته شوې ده. طالبانو بیا د اختر په ورځو کې پر نړیوالې ټولنې د رسمیت پیژندلو غږ یو ځل بیا تازه کړ او وايي چې آن ځینو هیوادونو یې استازي هم منلي دي. دا چې د طالبانو د حکومت د رسمیت پیژندل له کومو خنډونو سره مخامخ ده او آیا د ځینو هیوادونو له لوري د طالبانو د استازو منل کیدل د دوی د رسمیت پیژندلو په معنی دی. دا او نورې اړونده پوښتنې به د پخلاینې د جمعې ورځې په خپرونه کې له خپلو میلمنو سره مطرح کړو.
د پخلاینې د دې خپرونې میلمانه مو په چیک جمهوریت کې د افغانستان پخوانی سفیر او همدا راز د طالبانو د ادارې د نړیوالو ستراتیژیکو د مطالعاتو د مرکز مشر عاطف مختار دي.
خپرونه د جمعې په ورځ د آلمان په وخت د ماسپښین پر ۳:۴۵ چې د افغانستان ۶:۱۵ بجې کیږي، د دویچه ویله پر پښتو فيسبوک پاڼه او یوټیوب چینل خپریږي.
تاسې هم کولی شئ خپلې پوښتنې او نظریات د تبصرو په برخه کې له موږ سره شریک کړئ.

свернуть