Çfarë është procedura DSA (Angiografia cerebrale)
Angiografia është një egzaminim mjekësor mini-invaziv që përdor rrezet x dhe një material kontrasti që përmban jod për të prodhuar fotografi të enëve të gjakut në tru.
Në angiografinë cerebrale, një tub i hollë plastik i quajtur kateter futet në një arterie në këmbë ose krah përmes një prerje të vogël në lëkurë.
Duke përdorur imazhet që prodhohen nga imazheria, kateteri drejtohet në zonën që ka nevojë të egzaminohet. Kur jemi në zonën e egzaminimit, materiali i kontrastit injektohet përmes tubit dhe imazhet kapen duke përdorur rrezatimin jonizues (rrezet x).
Imazhet gjatë angiografisë cerebrale merren në mënyrë elektronike dhe manipulohen në mënyrë që kocka mbivendosëse e kafkës, që errëson normalisht enët, të hiqet nga imazhi duke patur rezultat pamje të qarta të enëve të gjakut.
Angiografia cerebrale përdor një kateter, imazheri të avancuar dhe injeksione të kontrastit për të ekzaminuar enët e gjakut në tru për anomali si aneurizmat dhe sëmundjet si ateroskleroza (pllaka).
Përdorimi i një kateteri bën të mundur kombinimin e diagnozës dhe trajtimit të problemit të mundshëm në një procedurë të vetme.
Angiografia cerebrale prodhon fotografi shumë të hollësishme, të qarta dhe të sakta të enëve të gjakut në tru dhe mund të eleminojë nevojën për operacion.
Cilat janë disa përdorime të zakonshme të procedurës?
Mjekët përdorin Angiografia Cerebrale për të zbuluar ose konfirmuar anomalitë brenda enëve të gjakut në tru, duke përfshirë:
• një aneurizëm, një fryrje ose qeskë që zhvillohet në një arterie për shkak të dobësisë së murit arterial.
• arteroskleroza, një ngushtim i arterieve.
• keqformimi arteriovenoz, një lëmsh i enëve të gjakut të zgjeruara që prishin rrjedhën normale të gjakut në tru.
• një inflamacion i enëve të gjakut, që shkakton ngushtim
• një tumor në tru.
• një mpiksje gjaku (trombë)
• një çarje në murin e një arterie, i njohur si diseksion vaskular.
• një goditje në tru (stroke)
Procedura mund të përdoret gjithashtu për të ndihmuar në diagnostikimin e shkakut të simptomave, të tilla si:
• dhimbje koke të forta
• fjalim i paqartë
• marramendje
• shikim të paqartë
• dobësi ose mpirje
• humbja e ekuilibri
Cilat janë përfitimet?
Angiografia mund të eleminojë nevojën për operacion dhe në rastet që operacioni është i domosdoshëm, ai mund të kryhet më saktë.
Angiografia cerebrale paraqet një pamje shumë të detajuar, të qartë dhe të saktë të enëve të gjakut në tru. Kjo është veçanërisht e dobishme kur po shqyrtohet një procedurë kirurgjikale ose një trajtim tjetër.
Përdorimi i një kateteri bën të mundur kombinimin e diagnozës dhe trajtimit në një procedurë të vetme.
Asnjë rrezatim nuk mbetet në trupin e një pacienti pas një ekzaminimi me rreze x.
Për më shumë informacion ose vizitë kontaktoni në 042357535 ose klikoni në: rezervime.spitaliamerikan.com
Spitali Amerikan, përqafoje jetën!
