مالوم عينً تصطفق ، بعض الأحيان
شافت غرابيل ، الزمان الغريبه

ياكثر ما شافت وياقّل الايمان !
بقلوب من بقلوبهم شكّ ريبه

من ينصح اللي يعتقدله بكهّان ؟
يشرك مع الله ، واحدً مايثيبه !!

لو يصدق الكاهن ، طلع منه برهان
وافتّك نفسه من ، حدوث المصيبه

لاشّك كذّابً ، خذو منه كذبان
والله صدق ، علّام غيبك وغيبه

من سبتّه ياميّت القلب ندمان
لعلّ قلبك للعمى وش تبي به ؟

انصحك ياللي رشّك الشيب عميان
وادي جهنّم حادرً مع شعيبه !

يطغيك زود المال والزود نقصان
غادي ب سوق السوء ليه تغديبه

لاتدّعي ب المال رابح وخسران
يفلجك من زين العمل يدّعي به

وافطن لكلمة ويل يومً للانسان
في موقفً ما ينفع المرء جيبه '

للشر ميزانً ، وللخير ميزان
تكتب ملايكة السماء وتعديبه !

خذلك نصيحة ، واحدً داج الاكوان
جرّب غرايبل الدهر من نصيبه

من جاهد الدنيا ، بلا روس جنحان
يصبر لصكّات الزمان رهيييبه

وانا الذي شفت الوزا ياسليمان
برد الشتاء والقيض اكلني لهيبه

والله يالولا كلمة قال ديّان
حقي غدى به مانوى انه يجيبه

لاشهر كما يشهر مع الجو شيهان
قطع البحور ولا حياة الغليبه

لجّوا علي الناس قوم وصدقان
واخترت عنهم بعد مسرى النجيبه

ماهبلك ياللي تلتوي لك بجابان
رجل وهو جابان لاتلتوي به

لاساتر عرضك ولا قاضي شان
كسب نزولك عقب مبدا الرقيبه

أبعد عن الجابان ولو كنت عريان
ثوب من الجابان لاتكتسي به

يارب تجعل لي من الذنب غفران
يافارج(ن) لايوب مما بلي به

كلمات : بندر بن سرور ( رحمه الله )

اداء وتصميم : ذعـذآع

[ Ссылка ]

كلمات مفتاحية :
شعر ، بوح ، بندر بن سرور ، عود ، تصميم ، حزن ، حزين ، سعد بن جدلان ، رشيد الزلامي ، ذعذاع ، رمح ، قصيده ، قصيدة ، قصائد ، قصايد ، حبيب العازمي ، سلطان الهاجري ، محمد ابن الذيب ، خلف هذال ، طرب ، تصاميم ، القاء ، فن ، عكاش الذيابي ، حكمه ، حكمة ، درر ، عبدالمجيد الذيابي ، تركي ابن حميد ، بدر عبدالمحسن ، الحب ، المحبة ، محمد بن فطيس ، وحيد نجد ، سفر الدغيلبي ، مطلق الثبيتي

свернуть