Arestado ang dalawang suspek sa magkahiwalay na anti-illegal drug buy bust operation ng San Pedro Pulis noong araw ng Sabado, Pebrero 11, 2023.
Kinilala ni Police Colonel Randy Glenn G. Silvio, Acting Provincial Director ng Laguna PPO ang mga suspek na sina alyas Kevin at Igroy, pawang mga residente ng San Pedro City, Laguna.
Sa ulat ni PLtCol Rolly B. Liegen, hepe ng San Pedro City Police Station, nagkasa ang kanilang Drug Enforcement Team (DET) ng magkahiwalay na anti-illegal drugs buy bust operation na nagresulta sa pagkaaresto ng mga suspek.
Arestado si alyas Kevin ganap na 4:35 ng hapon sa Brgy. Pacita 2, San Pedro City, Laguna matapos magbenta ng ilegal na droga sa police officer na nagpanggap bilang poseur buyer kapalit ang buy bust money. Kumpiskado sa kanya ang tatlong pirasong plastic sachet na naglalaman ng hinihinalang ilegal na droga na may timbang na 0.15 gramo na nagkakahalaga ng humigit kumulang Php1,500.00 kabilang na ang isang coin purse, isang Php500.00 na ginamit na buy bust money at Php150.00 recovered money.
Sa hiwalay na operasyon ng San Pedro CPS, arestado din si alyas Igroy ganap na 9:29 ng gabi Pebrero 11, 2023 sa Brgy. Pacita 1, San Pedro City, Laguna matapos matagumpay na mabilhan ng ilegal na droga ng mga police officer na nagpanggap bilang poseur buyer kapalit ang buy bust money. Kumpiskado sa arestadong suspek ang apat na pirasong plastic sachet na naglalaman ng hinihinalang ilegal na droga na may timbang na 1.50 gramo na nagkakahalaga ng humigit-kumulang Php 3,750.00, isang coin purse na naglalaman ng isang pirasong Php 500 na ginamit na pambili at Php 300.00 recovered money.
Kasalukuyang nasa kustodiya ng San Pedro CPS ang mga arestadong suspek habang ang mga kumpiskadong ebidensya ay isusumite sa Crime Laboratory para sa forensic examination.
Nahaharap ang mga suspek sa kasong paglabag sa R.A 9165 o “Comprehensive Dangerous Drug Act of 2002”.
______
We deliver the newest news fast, fresh, clear, and accurate thru our Radyo Agila reporters, correspondents and stringers all over the world.
Visit official website: www.radyoagila.com
Subscribe to us!
Telegram: [ Ссылка ]
Twitter: [ Ссылка ]
Instagram: instagram.com/radyoagila
YouTube: [ Ссылка ]
