Prezident saylovlari Amerikada shu yilning 8-noyabrida o'tadi. Lekin saylov kampaniyasi haqida, bilasiz, o'tgan yildan beri hikoya qilib kelayapmiz. Har safar shunday. Saylov vasvasasi ikki yil oldin boshlanadi. Kim nomzod bo'lishi mumkin? Kim qancha siyosiy va moliyaviy qudratga ega? Demokratlarmi yoki respublikachilar? Yangi yulduzlar kim? Kimning ko'nglini qanday ovlash mumkin? Kimning qanday siri borki, uni yashirishga urinmoqda? Saylovlar hamisha qizg'in tomosha, butun dunyoga. Jarayon, ya'ni prezidentni saylash tizimi murakkab.
