Բաժանորդագրվեք մեզ՝ [ Ссылка ]
#հումանիտար_օգնություն #Արցախ #5tv
«Մարդասիրական օգնություն Լեռնային Ղարաբաղին», «Սնունդ կյանքի համար». այսպիսի գրություններով՝ մարդասիրական օգնությամբ երկու տասնյակ բեռնատար է այսօր Երևանից շարժվել Կոռնիձոր: Նախատեսվում է 400 տոննա բեռը Սյունիքից Արցախ հասցնել ռուս խաղաղապահների միջոցով: Հայաստանի արտգործնախարարության դիմաց մեքենաները բեռնել են Հայաստանում հավատարմագրված արտասահմանցի դիվանագետների աչքի առաջ: Երեկ Հայաստանի կառավարությունը հայտնեց, որ 227 օր շրջափակված Արցախ պարենային և բժշկական հրատապ հումանիտար աջակցություն հացնելու որոշում է կայացվել: ԼՂ-ում հումանիտար ճգնաժամի կառավարման աշխատանքային խմբի կայացրած որոշումը Ադրբեջանի պետական սահմանապահ ծառայությունը սադրանք էր անվանել: Իբր հայկական կողմը Լաչինի միջանցքում «տարբեր տրանսպորտային միջոցների կուտակմամբ սադրանք է նախապատրաստում»:
