Korporativ Sosial məsuliyyət biznesdə ən çox işlədilən anlayışlardan biridir.Videounun əvvəlində TOMS adlı bir şirkətin biznes modeli haqqında məlumat vermək istəyərdim.Deməli, bu şirkət ayaqqabı, eynək və.s məhsulların satışı ilə məşğuldur və bir ayaqqabı satışı zamanı , 1 ayaqqabı da ehtiyacı olan insanlara ianə edilir və bugünə qədər təxminən 60 milyondan çox ayaqqabı ianə edilib.Şirkətlər tərəfindən cəmiyyətə belə yanaşma, korporativ sosial məsuliyyət adlanır. Adətən bu termin şirkətin etik yolla fəaliyyət göstərməsini izah edir. Başqa sözlə , korporativ sosial məsuliyyət, şirkətlərin öz bizneslərini idarə etmələri ilə yanaşı iqtisadiyyata və ətraf mühitə təsirini, insan haqlarını və.s nəzərə almasıdır. Korporativ sosial məsuliyyət tədbirləri geniş olduğuna görə , gəlin bir neçə təsnifata böləyin.
Birinci növ sosial məsuliyyət , şirkətin təbiətə, ətraf mühitə vurduğu zərəri azaltmasıdır. Məsələn, bəzi zavOdlarda karbon qazının ətraf mühitə vurduğu zərərləri aşağı salmaq olar.
İkinci yanaşma ,elə videonun əvvəlində TOMS şirkətinin misalını göstərmək olar ,yəni ianələrin edilməsidir. Bu yolla da şirkətlər cəmiyyətə böyük fayda verə bilər.
Üçüncü korporativ sosial məsuliyyət növü kimi,işçilərlə etik əmək münasibətlərini göstərmək olar. Şirkət, işçilərinə bərabər,ədalətli və etik davranaraq öz korporativ sosial məsUliyyətini göstərə bilər. Məsələn, bəzi şirkətlər var ki, işçi iş saatından əlavə çalışarsa , hər saata görə əmək haqqı 2 qat hesablanır,təəssüf ki, əksi olaraq bəzi şirkətlərdə isə əlavə iş saatı üçün heç bir əlavə ödəniş nəzərdə tutulmur.
Dördüncü növ şirkətin sosial məsuliyyətinə, şirkət heyətinin könüllü aksiyalarda iştirak etməsini nümunə göstərə bilərik. Yəqin ki, bəzi şirkətlərin ağac əkmə aksiyalarında iştirakını eşitmisiniz.
Təbii ki , bu siyahını biraz da uzatmaq olar.
Əgər şirkət öz üzərinə hansısa sosial məsuliyyət götürürsə , təbii olaraq bunun bir xərci var.Həqiqətənmi bəs , bu şirkətə mənfəət olaraq qayıtmayan bir əlavə xərcdir?! Korporativ Sosial Məsuliyyətin şirkətə nə faydası var? İndi isə bu suallları cavablandırmağa çalışağın.
Demək olar ki, korporativ sosial məsuliyyətin şirkət üçün bir neçə üstünlükləri var : Məsələn,üzərinə sosial məsuliyyət götürən şirkətin öncəliklə insanlar arasında tanınması və reputasiyası artır.Bununla belə,uzun müddətli dövrdə, bu, satışları artırır və müştəri loyallığı yaradır.Gələcək yünümlü, həmin şirkətdə daha ixtisaslı kadrlar çalışmaqda həvəsli olur. Korporativ sosial məsuliyyət eyni zamanda ,şirkət üçün rəqiblərin etmədiyi bir üstünlüyə çevrilə bilər.
Mətn və Səsləndirmə müəllifi : Kamran Tağıyev
Qrafik müəllifi : Nigar Murtuzova
Facebook səhifəsi : [ Ссылка ]
