Şəhidlər🥀😥

Azadlıq uğrunda ölən şəhidlər,
Ömrünü Vətənçün bölən şəhidlər.
Vətən göylərində bir şölə saçıb,
Yanıb ulduz kimi sönən şəhidlər.


Meydanda boyandı al qanınıza,
Güllələr səpildi dört yanınıza,
Yağı necə qıydı o canınıza,
Açıb çiçək kimi sönən şəhidlər.


Ahınız, naləniz çıxdı göylərə,
Bədənlər tapdanıb qarışdı yerə.
Sonradan çevrilib qərənfillərə,
Vətən torpağında bitən şəhidlər.

Bilmirəm, o gecə bu zülmü görən,
Dəhşətdən neçə yol ölüb dirilən
Unuda o qanlı yanvar gecəsin,
Şəhid balaların o faciəsin.



Allah bütün şəhidlərimə rəhmət eyləsin🙏🤲

свернуть