Шығыс Қазақстан облысы Аягөз қаласындағы политехникалық колледжде түлектерді жұмысқа орналастыру көрсеткіші артып келеді. Бұған оқу орнында қолға алынған жаңа бастама негіз болған.

Мұнда әрбір студентке негізгі мамандығына қосымша жұмысшы мамандықтары оқытылып жатыр. Яғни шәкірттер бірден кәсіптің қос түрін игеруде. Мәселен, экономист-бухгалтер тобындағы жастарға «1С Бухгалтерия» курсы, ал теміржол-механигі тобындағыларға «теміржол-құрамдарының слесарі» курсы қоса оқытылады.

Ашылғанына 10 жыл болған орта арнаулы оқу орнында қазір 437 бала 7 мамандық бойынша білім алуда. Ақтоғайдағы жаңа кен орнының игерілуіне байланысты колледжде жаңа мамандықтарды ашу жоспарда бар.

Берікжан Дүйсеғұлов, Аягөз политехникалық колледжінің директоры

-Біз «Қазминералзпен» келісім шарт жасасып, оларға керекті мамандықтарды оқытып отырмыз. Келешекте 2020 жылға дейін тағы да мамандықтар оқыту жоспарда тұр. Ол кәсіпорынға біздің балаларымыз жұмысқа орналасты. Бізде қазір студенттердің 91 пайызы жұмыспен қамтылды.

свернуть