السفر أصبح سهل جدا ،، في كل المعلومات و الحجوزات و الاوتيلات اونلاين ،،،
بس بعد ما وصلت ١٠٠ دولة كوبا 🇨🇺 هي أصعب دولة في السفر مش عشان خطر ولا عشان غالية أو بعيدة ...
السفر الى كوبا 🇨🇺 هو أشبه بالسفر عبر الزمن الى الستينات .. بسبب الثورة الكوبية الشيوعية .. الدولة مازالت تعيش في الستينات و متحركتش كتير من ساعتها
كوبا بلد يعيش في السيتنات في عربياته و مبانيه و تاخره عن باقي العالم .. المرتبات للمواطن بتبدا من يورو دولار و الناس عايشة ب ١٠ يورو في الشهر بس لو انت سايح مسافر ب ( بيورو ) اجدع مطعم في وسط البلد ( اللي تابع للحكومة ) الاستاكوزا ب ٤ يورو .. الشقق هتلاقي من ١٠ يورو في الليلة
محتاج تركب الباص ٦٠ مرة عشان تصرف يورو و ممكن تجيب ٦٠ كباية قهوة بيورو 😅 او ١٢ ساندوتش بيورو
البلد متلاقيش فيها كماليات يعني لمًا تطلب البيتزا اللي بنص يورو مش هتلاقي عليها صلصلة و المطعم مفهوش مناديل 🥲 حاجة تانية مفيش مية في الفترة الحالية عملية صعبه انك تلاقي ميه
امال الناس بتشرب ايه ؟ بيشربوا عصير 😅😅 ده مش نكته ده بجد العصير موجود في المحلات عادي جدا بس مفيش مايه .. بس طبعا متعرفش العصير ده بيوجع البطن ليه 😅😅
من مميزات الشيوعية ان البلد امان محدش بيبص على حد و التعليم مجاني و عندهم اقل نسبة امية في العالم و لكن طبعا في فقر صعب و الحياة مش سهلة و مفيش نت غير في اماكن معينه بتشتري كارت و تروح تفتح نت فيها
عندهم عملة ال ٣ بيسو و عليها شكل تشي جيفارا
هل كوبا بدون فيزا للمصريين ؟للاسف لا حاليا لازم تقدم على فيزا بس فيزا سهلة و طبعا البلد مش سهلة في يوم الوصول محتاج ترتب كل حاجة قبل ما توصل لانك هتنزل المطار مش هتلاقي نت و اصلا مفيش حجوزات على مواقع الاوتيلات لانها ممنوعة فلازم تروح تدور على اوتيل مشي
تجربة مش مخيفة و لكنها قديمة شوية لانك فعلا وصلت كوبا يعني رجعت بالزمن ٧٠ سنة لورا بس
اتفرجوا على كوبا في الفيديو و قولولي رايكم و هحطلكم اللينك للفيديو كامل ع اليوتيوب في اول كومنت
