Երեկ՝ նոյեմբերի 29-ին, խոշոր ու ողբերգական ավտովթար է տեղի ունեցել Լոռու մարզում: Ժամը 18:00-ի սահմաններում Վանաձոր-Վրաստանի Հանրապետության սահման 58-րդ կմ հատվածում Ալավերդի քաղաքի բնակիչ, 39-ամյա Կարեն Սահակյանը իր վարած ЗИЛ ММЗ 45021 մակնիշի 299 ՍԼ 38 համարանիշի ավտոմեքենայով բախվել է Վրաստանի Հանրապետության Թբիլիսի քաղաքի բնակիչ, 48-ամյա Շարկաձե Ձոնդոէվիչի վարած MAN մակնիշի FCF 709 համարանիշի ավտոմեքենային, որից հետո բախվել է Գյումրի քաղաքի բնակիչ, 54-ամյա Հովհաննես Ավագյանի վարած Mercedes մակնիշի 34 OM 578 համարանիշի ավտոմեքենային: Ինչպես հայտնում է ֆոտոլրագրող Գագիկ Շամշյանը, վթարի հետևանքով ЗИЛ-ը կողաշրջվել և սահելով առաջ է ընթացել ու բախվել Լոռու մարզի Օձուն գյուղի բնակիչ, 29-ամյա Էդգար Սարգսյանի վարած Volkswagen Golf մակնիշի 18 ԼՍ 333 համարանիշի ավտոմեքենային: Վթարի հետևանքով Mercedes-ի վարորդ Հ. Ավագյանը և նրա ուղևորներ՝ Արարատի մարզի Արմաշ գյուղի բնակիչ, 59-ամյա Սոֆիկ Մարտիրոսյանը, Գյումրի քաղաքի բնակիչներ, 35-ամյա Արթուր Հովսեփյանը և 52-ամյա Գայանե Մկրտչյանը մարմնական վնասվածքներով տեղափոխվել են Ալավերդու բժշկական կենտրոն, որտեղ ժամը 21:30-ի սահմաններում Գ. Մկրտչյանը մահացել է:
Մանրամասները` [ Ссылка ]
