Атырауда 90 пәтерлік жатақхана құлаудың алдында тұр. Бір күн бұрын бірінші қабаттағы 4 бөлменің едені опырылып, жертөлеге түскен. Осының салдарынан түн ортасында 300 тұрғын түгелдей сыртқа шығарылған. Абырой болғанда жапа шеккендер жоқ. Егер қосымша тіреуіштер болмаса, үй түгел құлауы мүмкін еді. Оқиға орнына төтенше жағдай қызметінің мамандары, құқық қорғаушылар мен жергілікті билік өкілдері келіп, ахуалмен танысты. 4 отбасы уақытша жақын маңайдағы мектепке орналастырылған.

свернуть