Өткен 14 жылдың ішінде 671 мемлекеттік-жекеменшік шарт жасалған. Бірақ оның да былығы аз болмай тұр. Мемлекеттік органдар нысандардың құнын негізсіз арттырып отырған. Бұл жайында Ақордада Мемлекеттік хатшы Қырымбек Көшербаевтың төрағалығымен өткен Президент жанындағы сыбайлас жемқорлыққа қарсы іс-қимыл мәселелері жөніндегі комиссияның отырысында айтылды. Мұндай әріптестікке мемлекеттік органдар тарапынан кедергі көп болған. Олар жеке серіктестермен формалды шарттар жасауға жол берген. Отырыс қорытындысында комиссия анықталған құқықбұзушылықтарды жою бойынша шаралар қабылдауды тапсырып, қатаң бақылау орнату мақсатында есеп беру жүйесін бекітті.
