Օրվա գլխավոր իրադարձությունը Երևանում ընթացող ՀԱՊԿ անդամ երկրների ղեկավարների հանդիպումն է, որի ամենակարևոր խնդիրը Հայաստանին օգնություն ցուցաբերելու համատեղ քայլերի հարցն է: Նիստի բացման խոսքում Փաշինյանը տխրեցնող է որակել փաստը, որ Հայաստանի անդամակցությունը ՀԱՊԿ-ին Ադրբեջանի ագրեսիան չի զսպել ու որ ՀԱՊԿ-ն առ այսօր չի կարողացել այդ ագրեսիային արձագանքելու որոշում կայացնել: Այսօրվա նիստում հայտարարել են ՀԱՊԿ-ի նոր գլխավոր քարտուղար նշանակելու մասին: Պաշտոնը կզբաղեցնի Ղազախստանի ներկայացուցիչը:
