#TVBPlus #意料之踪 ｜教你分辨唔同魚子醬！飛到意大利品嚐頂級魚子醬　一啖要等至少十年！打卡500年歷史古堡餐廳 小龍蝦生伴紅菜頭及魚子醬/魚子醬生蠔意式燉飯

每一道意式料理，都有「意料」之外嘅故事！意大利「地膽」兼星級大廚林紋蔚Amy 孖吳兆麟Alan ，喺美食之國意大利嚟一場「搵食」真人騷，實地考察各種食材由產地送到食客嘴邊嘅過程！

第一站，兩位主持去到意大利北部嘅布雷西亞尋找魚子醬。魚子醬嘅宿主鱘魚本來住喺俄羅斯嘅黑海，2011年開始禁止野生捕捉，但於30年前，意大利將布雷西亞改造成俄羅斯嘅水土開始人工養殖。

今集Amy會教大家感受魚子醬嘅味道，由唔同養殖年份唔同品種製成嘅魚子醬都會有口味上嘅差異，15年嘅傳統白鱘魚口味帶甜，且魚卵較細，會有種榛子果實嘅味道；再高級啲嘅15年嘅白鱘魚就甜味較小；而9年嘅西伯利亞鱘魚鹹鮮味更強，其中帶有酸味；而最貴就喺20年嘅歐洲鰉，魚卵會比其他品種更大，入口會有爆珠感；喺品嚐前，Amy就俾大家一啲小Tips：魚子醬需要喺0至3度嘅環境中儲存，同時品嚐魚子醬最好用珍珠或者石頭製嘅餐具，如果都會影響魚子醬嘅風味～跟Amy大師學完，Alan仲會即場閉眼挑戰分辨魚子醬！

今集仲會去500年歷史嘅古堡餐廳，拜訪米芝蓮推介嘅大廚Alberto。Alberto為大家帶嚟第一道美食：小龍蝦生伴紅菜頭及魚子醬，烹飪前，紅菜頭會浸喺鹽、糖混合嘅水裡面30小時，然後低溫烹飪，再加上小龍蝦，配以傳統皇家魚子醬同酸奶油後上碟。第二道美食：魚子醬生蠔意式燉飯，首先加入橄欖油炒香白米，再持續加入菜湯收汁，熄火後加入馬斯卡彭奶酪、生蠔牛油、帕爾馬乾酪不斷攪拌後，放上生蠔及魚子醬就可以上檯啦！

了解更多東方表行資訊：[ Ссылка ]

00:21 教你分辨唔同魚子醬！
02:57 Alan即場閉眼挑戰分辨魚子醬
05:11 米芝蓮大廚教路 小龍蝦生伴紅菜頭及魚子醬
06:56 米芝蓮大廚教路 魚子醬生蠔意式燉飯

#意料之踪 #意大利 #意大利美食 #魚子醬 #東方表行 #OrientalWatchCompany #OWCTakeYourTime

------------------------------------------------------
記得Follow 埋TVB Plus嘅social media❤️:
[ Ссылка ]
[ Ссылка ]

свернуть