Қазақстан коронавирустың ошағы Ухань қаласынан 80 студентті арнайы ұшақпен алдырды, олардың бәрінің жағдайы жақсы. Студенттер мен үш ересек адам Нұр-Сұлтаннан жеті шақырым жердегі көпсалалы ауруханаға оқшауланып жатқызылған. Елдің бас санитары Жандарбек Бекшин олардың ешқайсысынан коронавирус анықталмады, бірақ бәрібір олар 14 күн сол ауруханада карантинде жатады дейді. Ал, қазіргі уақытта Уханьда қазақстандық жалғыз студент қалыпты. Ауруханадағы жағдайды ресми органдар өздері түсіріп, видеосын таратты.
