Duke parë në sy Lulzim Bashën dhe Sali Berishën, Ibsen Elezi, anëtar i kuvendit demokrat, ua tha në sy të gjithë problematikat e mëdha, që ka Partia Demokratike. Një ditë pas fjalimit që mori vëmendje të madhe mediatike, Elezi në një intervistë për IN tvs rrëfen arsyet, se përse zgjodhi që mesazhet e tij t'i përcjellë në Kuvendin Kombëtar.

Ibsen Elezi: Besova që në Kuvendin Kombëtar do të ishte gjëja më e mirë, që të shfaqeshin problematikat, për të cilat PD-ja është sot në një ditë jo të mirë të saj.

Duke vënë thekin, se Partia Demokratike mund të forcohet vetëm nga brenda, Elezi thotë se për shkak të keqdrejtimit të kryetarit, Partisë Demokratike i mungon fryma dhe është një trup aq i sëmurë, sa nuk mund të ngrihet të përballet me qeverinë.

Ibsen Elezi: Është shtrirë në krevat, po fle gjumë. PD është sot në ato pozita, që nuk shtyn dot një qeveri të rrëzume. Është një qeveri, që edhe me frymë rrëzohet. Imagjino sa kollaj është ta rrëzosh, por për të ndërtuar mungon fryma në PD. Urgjente për Lulzim Bashën dhe për gjithë ato drejtues, që iu dhimbset realisht PD-ja është të mblidhen bashkë dhe të kryejnë frymën.

Elezi në Kuvendin Kombëtar iu drejtua direkt edhe liderit historik Sali Berisha, për të cilin i njeh jo pak përgjegjësi për situatën e rëndë në të cilën ndodhet Partia Demokratike.

Ibsen Elezi: Nuk mendoj që Sali Berisha duhet të veprojë. Sali Berisha duhet të flasë prerë dhe saktë për gjithçka që ndodh. Në njëfarë forme, ajo që thotë të ketë edhe masën e gjykimit, në lidhje me atë që po ndodh.

Kritikat për kryetarin demokrat Lulzim Basha janë të shumta. Ndërsa për IN tv anëtari i Kuvendit Kombëtar zgjedh të publikojë edhe marrëdhënien e tij me Lulzim Bashën.

Ibsen Elezi: Nuk merr as përgjigje dhe as zgjidhje. Unë kam kërkuar zgjidhje për Kukësin dhe zanafillën e problematikës me Lulzim Bashën e kam aty, sepse ka rënë në vesh të shurdhër fjala e 10 këshilltarëve, fjala e mbi 10 anetarëve të kryesisë. Ore duhet të ulemi, të diskutojmë për problemet! Që në momentin që këto nuk kuptojnë, që po nuk u ule të diskutosh për problemet, ti nuk krijon frymë, por krijon përçarje, që në atë moment këtu vihen shumë pikëpyetje.
------------------------------------------
IN Tv Albania

Follow us:
[ Ссылка ]
[ Ссылка ]
[ Ссылка ]

Offcial website:
[ Ссылка ]

свернуть