Ndërhyrje e rrallë dhe e komplikuar në tru nga ekipi i Stroke Unit në Spitalin Amerikan 3.
Pacienti paraqitet në Spitalin Amerikan 3 me një ishemi hemisferën e djathtë.
Stenoza (ngushtimi) ishte prej 90% dhe situata ishte tejet e vështirë dhe jeta e pacientit ishte në rrezik. Dallohej qartazi ngushtimi i rëndë dhe qarkullimi i kompromentuar i gjakut në hemisferën e djathtë në tru.
Pacienti në fjalë kishte provuar disa terapi dhe mbas shumë diskutimesh midis kolegëve vendas dhe me asistencën e kolegëve zviceranë, u vendos se stenting angioplastikë ishte trajtimi më i përshtatshëm për të.
Pozicionimi i stentit u arrit pas një procedure tejet të kujdesshme.
Pasi arritëm në pozicion, ishim në gjendje të bëjmë matje dhe të përcaktojmë se sa është madhësia e balonit dhe stent’it që duhet të përdorim.
Gjatë procedurës së realizuar, asistuan nëpërmjet telemedicine (videocall) dhe kolegë zviceranë, të drejtuar nga Dr Pascal Mosimann.
Menjëherë mbas vendosjes së balonit shohim përmirësimin të qarkullimit të gjakut në hemisferën e djathtë.
Pacienti nuk është më në rrezik për jetën dhe ka rekuperuar plotësisht dhe është larguar nga spitali.
Në Spitalin Amerikan 3 është e organizuar Qendra e STROKE e cila merret specifikisht me trajtimin e goditjeve në tru, trombozave dhe hemoragjive nëpërmjet teknikave më të avancuara të intervencionimit neuro endovaskular. Trombektomia, procedurat e embolizimit shërbejnë për të trajtuar mpiksjet e gjakut në kokë, të aneurizmave dhe hemoragjive të shkaktuara nga aneurizmat si dhe trajtimin e sëmundjeve kardiovaskulare të cilat mund të jenë shkaktare të sëmundjeve të enëve të gjakut të trurit.
Ekipi i mjekëve të Qendrës “Stroke Unit” në Spitalin Amerikan 3 është i përbërë nga neurologë, neuroradiologët intervencionues, neurokirurgë dhe mjekë të të gjitha patologjive që t'i ofrojë pacientit zgjidhjen ideale në kohën e duhur.
Qendra Stroke Unit në Spitalin Amerikan 3 ofron një trajtim të specializuar për rastet e të prekurve nga Stroke. Në këtë qendër, vlerësim maksimal merr koha, si faktori kryesor i shpëtimit të jetëve nga goditjet në tru.
Në momentin që çdokush percepton që ka një problem që mund të jetë shenjë e një goditje në kokë nuk duhet të vonojë të telefonojë urgjencën për të marrë trajtimin e duhur dhe të menjëhershëm.
Për më shumë informacion ose vizitë kontaktoni në 042357535 / 0688008000 ose klikoni në: rezervime.spitaliamerikan.com
Spitali Amerikan, përqafoje jetën!
