Polonia ka filluar të ndërtojë 'Mburojën lindore' me vlerë 2.4 miliardë dollarë përgjatë kufijve të saj me Rusinë dhe Bjellorusinë, në një përpjekje për të mbrojtur krahun lindor të NATO-s ndërsa tensionet ziejnë në mesin e luftës në Ukrainë.
Mburoja 650 km e gjatë do të përfshijë fortifikime antitank, bunkerë dhe pengesa të tjera të ndërtuara për të mbrojtur fizikisht kufirin dhe kontrollin e lëvizjeve në një kohë kur mbështetja e SHBA-së për mbrojtjen e Evropës pritet të zbehet pasi Donald Trump merr detyrën në janar. Sistemet anti-drone dhe teknologjitë më të fundit të mbikqyrjes, të mundësuara nga inteligjenca artificiale për të ndihmuar në zbulimin e hershëm të kërcënimeve, do të mbrojnë gjithashtu Poloninë nga kërcënimet që paraqet lufta moderne. Fortifikimet janë projektuar për të shmangur kërcënimet e mundshme nga "armiku", tha Tusk në fillim të këtij viti, me enklavën ruse të militarizuar rëndë të Kaliningradit, në veri, që konsiderohet të jetë një kërcënim në rritje për Perëndimin. Sipas detajeve të dhëna nga qeveria, programi, ndoshta investimi më i rëndësishëm i sigurisë kombëtare në historinë e pasluftës së Polonisë, do të përdorë pajisje moderne të mbikqyrjes, duke përfshirë inteligjencën e imazheve, inteligjencën e sinjaleve, dhe monitorimin akustik. Linja e mbrojtjes me shumë shtresa pritet të jetë rreth 200 metra e thellë, e përbërë nga gardhe, kanale dhe fusha të minuara. Një gardh i lartë kufitar do të sigurojë pengesën e parë, i ndjekur nga telat me gjemba dhe llogoret kundër tankeve. Pengesat, që përfshijnë edhe 'dhëmbët e dragoit' (blloqe betoni me majë që përdoren për të ndaluar lëvizjen e automjeteve të blinduara) do të vendosen gjithashtu në rrugë. Bunkerët dhe llogoret nëntokësore do të fshihen brenda pyjeve për të mbrojtur kufirin. Projekti u njoftua si përgjigje ndaj luftës së Rusisë në Ukrainë dhe atyre që qeveria polake i quan taktikat e 'luftës hibride' nga Bjellorusia dhe Rusia. Polonia ka shpenzimet më të larta ushtarake nga të gjitha vendet anëtare të NATO-s, sipas një raporti të fundit nga aleanca dhe projekti i saj ambicioz, mburoja lindore, pritet të përfundojë në 2028.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#TopChannel
