Disa orë pas fjalimit të presidentit rus Vladimir Putin për gjendjen e kombit, kreu i Shtëpisë së Bardhë, Joe Biden është përgjigjur nga Varshava në prag të njëvjetorit të luftës në Ukrainë se Rusia nuk do ta fitojë asnjëherë luftën në këtë vend.
Lideri amerikan u shpreh agresioni ndaj Ukrainës tregoi se Aleanca e Atlantikut verior është më e bashkuar se kurrë duke ftuar vendet aleate të tregojnë vendosmëri në mbrojtjen e demokracisë.
"Një vit më parë, bota ishte e shqetësuar për rënien e mundshme të Kievit. Unë mund të deklaroj: Kievi qëndron i fortë, Kievi qëndron krenar, qëndron i papërkulur dhe më e rëndësishmja, qëndron i lirë", tha presidenti Biden
Në fjalimin e mbajtur në Kështjellën Mbretërore në Varshavë, Biden siguroi Ukrainën dhe aleatët e NATO-s për mbështetjen e palëkundur të Shteteve të Bashkuara.
“Ukraina nuk do të jetë kurrë një fitore për Rusinë. Nuk duhet të ketë asnjë dyshim, se angazhimi i Shteteve të Bashkuara ndaj aleancës sonë të NATO-s dhe nenit 5 është i fortë".
Më tej, lideri amerikan e akuzoi Rusinë se po kryen krime kundër njerëzimit në Ukrainë dhe premtoi se personat përgjegjës do të japin llogari përpara drejtësisë.
Lufta më e madhe në Evropë që nga Lufta e Dytë Botërore ka shkaktuar deri tani vdekjen e mijëra personave dhe dëme të mëdha në ekonominë ukrainase dhe atë globale.
Shtëpia e Bardhë ka theksuar se nuk duket të ketë një përfundim të qartë të luftës në të ardhmen e afërt dhe se situata në terren po bëhet gjithnjë e më komplekse.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Rusi#TopChannel
