Жыл шығысымен Алматы облысының таулы аймақтарында қар көшкіні болды.
Бұл туралы «Қазақселденқорғау» мемлекеттік мекемесінің мамандары хабарлады. Айтуларынша, қар көшкіні тау етегіне жетпей, тосқауыл қойылған жерде тоқтаған. Зардап шеккен адам немесе бүлінген дүние жоқ. Көшкіннің жалпы аумағы 2 800 текше метрді алған. Төтенше жағдай қызметкерлерінің мәлімдеуінше, көшкін қаупі әлі сейілген жоқ. Осыған орай қала тұрғындарына таулы аймақтарда демалуға болмайтыны ескертіледі.
