БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Жаңа жылдан бастап жеке тасымалдаушы есебінде тіркелмеген жүргізушілер интернет-агрегаторлар, яғни «Яндекс», «Индрайв» секілді платформалар арқылы тапсырыс қабылдай алмайды. Демек, тек ресми түрде такси болып тіркелген тұрғындар ғана жұмыс істеуге құқылы. Әрі әрбір такси жүргізушісі демалыс режимін сақтап, медициналық тексеруден өтуге тиіс.
Шыны керек, қазір не жұмысына келерде, не қайтып бара жатқанында интернет-агреторға кіріп, бір-екі кісіні ала кететін жүргізуші көп. Бұл, әрине тұрақты табыс көзі емес. Өздері айтпақшы, «бензин пұл». Енді осы «бензин пұл да» келмеске кеткелі отыр. Өйткені, жаңа жылдан бастап жеке тасымалдаушы есебінде тіркелмеген тұлғаларға «Яндекс» пен «Индрайв» тапсырыс бермейді. Демек, бір мезгіл жолаушы тасымалдау үшін алдымен тіркелу қажет. Сондай-ақ, әрбір жүргізуші еңбек және демалыс режимін сақтауға және медициналық тексеруден өтуге тиіс.
- Медтексерістен өту дегенге мен негізі өзім қарсымын. Каждый раз мынау жолға шығардың алдын тексеріліп отыру ол қиын деп ойлаймын. Ал, қалғаны бірақ сегіз сағаттан артық жүрмеу оған қосыламын. Апат сол кезде азаяды деп ойлаймын.
- Бізді тіркемей ме, мысалы оң рөлді. Осыны алдық бала-шағаны асырау үшін. Енді ол тіркемей бізді қалай сонда бала-шағамызды асыраймыз. Мен оған келіспеймін мысалы.
- На меня не особо повлияет. У меня основная работа есть. А кто именно занимается этим как бы конечно повлияет.
Яғни, жүргізушілер қауіпсіздік мақсатында енгізілген өзгерістерді қолдайды. Бірақ кейбір талаптарды қайта қарауды ұсынып отыр. Пікірлерінше, рөлі оң жақта орналасқан көліктерді түбегейлі онлайн агрегаторлардан алып тастау дұрыс емес. Амалын тауып, қала ішінде я белгілі бір қашықтықта жолаушы тасымалдауға рұқсат берген жөн. Алайда бұл өтініштер сол күйі қарастырылмайтын сияқты.
ҚАЙСАР СҰЛТАНБАЕВ, әкімшілік полиция комитетінің төрағасы:
- Күнделікті рейс алдындағы және рейстен кейінгі медициналық тексеруден өтуге, автокөлікті күнделікті техникалық байқаудан өткізуге, сол жақтан басқаратын техникалық жарамды автокөліктерді пайдалануға, жүргізушілердің еңбек және демалыс режимін сақтауға міндетті болады.
Комитет өкілінің айтуынша, қазір интернет-агрегаторлар қосымшаларының жұмысын пысықтап жатыр. Өйткені, жүргізушіні тіркеп, талапқа сәйкестігін нақтылайтын өздері. Тапсырысты да солар үлестіреді. Сондықтан талаптардың орындалған, орындалмағанына көз жеткізулері шарт.
---------------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
