Mərkəzi bankdan açıqlama: İnflyasiya 11%-i keçdi | Baku TV |
Mərkəzi Bankın İdarə Heyəti uçot dərəcəsinin yüksəldilməsi haqda qərar qəbul edib. Uçot dərəcəsi 7,25 faizə, faiz dəhlizinin aşağı həddi 6, yuxarı həddi isə 8,25 faizə yüksəldilib. Bu, 2021-ci ildə Mərkəzi Bankın uçot dərəcəsinin artırılması ilə bağlı üçüncü qərarıdır.
Mərkəzi Bankın İdarə Heyətinin pul siyasətinə həsr olunan ötən iclasından sonrakı dövrdə inflyasiya təzyiqlərinin artması da davam edib. Rəsmi statistikaya görə, noyabrda aylıq inflyasiya 1,5%, 12 aylıq inflyasiya isə 11,1% olub. İnflyasiyanın yüksəlməsi bütün məhsul və xidmət alt qrupları üzrə davam edir.
Noyabrda ərzaq məhsulları üzrə qiymət indeksi ötən ayla müqayisədə 1,9% yüksəlib, illik ərzaq inflyasiyası isə 14,9% təşkil edib. Qeyri-ərzaq məhsulları üzrə qiymətlər noyabrda ötən ayla müqayisədə 0,5%, son 1 ildə 7,1% yüksəlib. Xidmətlər noyabrda 1,6%, son 1 ildə 9,1% bahalaşıb.
Qurumun yaydığı məlumatda bildirilir ki, dekabrda aparılan sorğulara görə ev təsərrüfatlarının 29%-i inflyasiya tempinin daha da yüksələcəyini gözləyir. Yenilənmiş proqnozlara görə, bu il orta illik inflyasiya 6,3-6,6 faiz, illik inflyasiya isə 11,4-11,9 faiz səviyyəsində gözlənilir.
Proqnoza görə, inflyasiya növbəti ilin birinci rübündən başlayaraq stabilləşəcək və ilin ikinci yarısından başlayaraq hədəf diapazonunun yuxarı həddinə doğru hərəkət edəcək.
*********************
Baku TV 2018-ci ilin fevral ayında xəbər kanalı kimi fəaliyyətə başlayıb.
Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.
*********************
Pulsuz Elanlar: [ Ссылка ]
*********************
Bizi Sosial şəbəkələrdə izləyə bilərsiniz.
Twitter: [ Ссылка ]
Facebook: [ Ссылка ]
Instagram: [ Ссылка ]
************
2018/2021 © All Rights Reserved ℗ Baku TV
#BakuTv #bakutvxəbər #trend #xeberler #news #bakutvxeber #bakutv #bakutvnews #newsandpolitics #xəbərlər
