Demokratët e Tiranës iu drejtuan këtë të shtunë kutive të votimit për tu shprehur me votë për kandidatët e tyre të preferuar për deputetë.

Pas një procesi që zgjati për afro 3 muaj, anëtarësia e Partisë Demokratike në kryeqytet u përball me emrat e propozuar dhe konfirmuar nga Komisioni i Vlerësimit të Kandidatëve në PD.

140 kandidatë garojnë në 21 degët e qarkut të Tiranës për të qenë pjese listës me 35 emra që Partia Demokratike do të paraqesë për zgjedhjet e 25 prillit të vitit 2021.

Në degën 8 në Tiranë, votën për kandidatët e shprehu edhe kryedemokrati Basha, i cili u kujdes të mbante masat e imponuara nga pandemia e covid-19.

Në degën 8 në kryeqytet ku në votëbesim janë edhe dy anëtarët e kryesisë Jorida Tabaku dhe Tomorr Alizoti, kryedemokrati e cilësoi procesin e brendshëm të përzgjedhjes së demokratëve si një model të demokracisë për forcat politike.

“Nuk është vetëm një risi për PD por një risi dhe model për gjithë rajonin, demokracia lind nga brenda shtëpisë”, u shpreh Basha.

Për ish-deputetët dhe funksionarët e lartë që janë kontestuar nga anëtarësia kujtoi se nuk do të ketë asnjë të përjashtuar.

“Ky është një proces që vendos anëtarësi, mbi votën e anëtarësisë nuk ka asgjë. Ky nuk është një proces ku ka të përjashtuar, ky është një proces që nuk ka të humbur” u shpreh lideri i demokratëve.

Përballë procesit të brendshëm që po zhvilloi në PD, Basha ironizoi vendimmarrjet e Edi Ramës në asamblenë e socialistëve.

“Ai i ka harruar zgjedhjet, nuk organizon gara në PS. Dje siç e patë u zhvillua një aktivitet dhe një fjalim 3 orësh vetëm për të justifikuar mbajtjen në kryesi të njerëzve që janë në listën e zezë të Departamentit Amerikan të shtetit siç është Vangjush Dako”, tha Basha.

Pas rezultateve të Tiranës, do të jetë Komisioni i Vlerësimit të Kandidatëve në Partinë Demokratike që do të paraqesë raporte të veçanta për 12 qarqet e vendit për kandidatët më potencialë që duhet të jenë pjesë e listave të kandidatëve  për deputetë. /abcnews.al

Per informacionet me te fundit klikoni:

Web: [ Ссылка ]

Facebook: [ Ссылка ]

Instagram: [ Ссылка ]

Subscribe kanalin tone ne: youtube:[ Ссылка ]

#abcnews #abcnewsalbania

свернуть