ياجماعة البوتجاز رديئ فوق ماتتصورو البوتجاز كان له شكل جمالي فقط من بره وعلى رائي المثل من بره هالله هالله ومن جوه يعلم الله عامل زي اقسم بالله العروسه القبيحه جدا جدا والمكياج محليها وبعد ما تمسح وتغسل الميكاب يبان كل عيوبها استغفر الله العظيم واتوب اليه
البوتجاز بأن عيوبه من اول اسبوع استعمال باب بيوقع ومفصلات باب زي الزفت + الهيدريك باظ مبقاش بوتجاز بيباب هيدوريك شوايه مبتشتغلش كووش بتتحرق وبتصدي حمالات تقيله وبتبوظ الاستلس من تقلها دا غير انها بتصدي بردو شرائح معدنيه بتقع من اول ماتشغلي الفرن لأنها ملزوقه بتفافه 😡 وكل شويه الزقها تقع عند تشغيل الفرن يعني شكله اللي كان جميل راح في كميه همه واقرفه عيون الشعل من فوق بتشتغل بمزاجها يوم اه ويوم لاءه استلس زي الزفت بينحرق بسرعه وبيصفر لمبه انحرقت ومبتشتغلش الأمان بتاعه زي الطين ومغلبني + ان لازم اضغط فتره طويله على المفتاح علشان سيادته يقيد ويلقد معايا نار يعني لازم صوابعي تتشغل لغيت لمه يقيد معايا ضعيف النار بتاعته بعد كدا بيهب وبيعمل أصوات غريبه أثناء وهو شغال صوت هب وأصوات تانيه بتخد وهو الفرن شغال أصوات ترقعه اقسم بالله خدتني كذا مره وانا قاعده جنبه مركز صيانه زي الطين إلا ما رحم ربي لجئت لحمايه المستهلك على اساس كل العيوب المهببه دي يتغير البوتجاز رجعني تاني لصيانه وقالي خلي البوتجاز يدخل الصيانه تاني ويتصيين وانا طبعا رفض الصيانه تاني لأن لمه جه قبل كدا الصيانه خرب البوتجاز + لمه جه بتاع صيانه تاني من عندهم غير الاولاني اعترف على زميله ان بوظ البوتجاز + ان اخر صيانه جه للبوتجاز جاي يقولي الضمان بتاع حضرتك خلص يافندم مع ان عمر الجهاز عندي ٣شهور فقط ومعايا فاتورة ضربيه تثبت هذا بعدل مين دا ياجماعه المهم حمايه المستهلك رفضت انها تغير الجهاز ورجعتي تاني لصيانه تصينو وطبعآ انا رفضت وقفلت الشكوه على كدا اروح لمين يجبلي حقي اللي راح على الأرض دا حسبنا الله ونعم الوكيل في كل إنسان مبيعملش ضميره في صنع الشئ والشئ دا مش رخيص اقسم بالله دا بوتجاز غالي جدا وربنا وحده عالم هو جاي ازي انا جيباه بقسط علشان يسعدني في شغلي ياجماعه من ساعة لمه البوتجاز باظ وانا وقفت شغل يرضى مين دا ميرضيش ربنا انا منصحش بيه اي واحد أو وحده أن تشتريه خالص اوحش بوتجاز على ظهر الأرض والله هو ناقص فيه عيب وحيد انو يكهربني ودا يكون فيه كل العبر السودا ربنا يستر لأن بحط ايدي على قلبي كل ما اشغله😢
