#APATV #Qax #Qum #Qumbazilikası #xristian #missioner #qədim #tarix #mədəniyyətabidəsi #bazilika #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023 #canlıyayım #apacanlı
Qaxda xristian missionerin öldürüldüyü ərazidə tikilən məbəd görənləri heyrətə salır - APA TV
Qax rayonu ərazisində 70-ə yaxın tarix və mədəniyyət abidəsi qeydə alınıb. Bu tarixi abidələrdən biri də 15 əsr əvvəl tikilmiş qədim Qum bazilikasıdır.
Qum məbədi (bazilikası) Qax rayonunun Qum kəndi ərazisində yerləşir. Qədim Bizans memarlığı üsulunda tikilən bazilika 5-ci əsrdə Alban hökmdarı Üçüncü Mömin Vaçaqanın göstərişi ilə Fələstinli xristian missioneri Yeliseyin atəşpərəstlər tərəfindən öldürüldüyü ərazidə inşa edilib. Dövrümüzə yalnız üç nefli bazilikanın əsas hissəsi və qismən örtük kütləsi qalıb. Məbədin daxili həcmi düzbucaqlı formada olmaqla uzunluğu 26 metrdən çox eni isə 19 metrdir.
Məbəd 3 tərəfdən eyvanla əhatələnib. Şərq tərəfdən bitişik kvadrat şəkilli otaqlardan biri qurbangah, digəri isə ruhani otağıdır. Məbədin daxili hissəsi iki cüt T şəkilli sütun və söykənclə 3 zala ayrılır.
Orta nef kilsə divarında yarımdairəvi çıxıntı ilə tamamlanıb ki, bu çıxıntı apsida adlanır. Apsidanın mehrab üstündəki hissəsi nal şəkillidir və şərqə doğru yönəldilib. Kərpicdən tikilən pilon və söykənclər nalvari talvarı saxlayır.
Məbədin üç qapısı olub. Eyvanlara açılan bu qapıların üstü yarımqövs şəkilli tağlarla bəzədilib. Qum məbədinin tikintisində əsasən yonulmuş çay daşı və kərpicdən istifadə olunub.
Qum məbədi Qafqazın tarixi üçün önəmli abidələrdən biri sayılır.
Tərixi abidədə ilk dəfə araşdırma 1898-ci ildə Aleksandr Xaxanov tərəfindən aparılıb. Abidədə XX əsrin 40-cı illərində bərpaçı-memar Pyotr Baranovski tərəfindən tədqiq işləri aparılıb. Aparılan arxeoloji qazıntılar nəticəsində məbədin torpaq altındakı hissəsi, döşəmə, altar hissəsi üzə çıxarılıb, qismən bərpa işləri aparılıb.
Qeyd edək ki, Qum bazilikası ölkə əhəmiyyətli memarlıq abidələri siyahısına salınıb və dövlət tərəfindən qorunur.
✅ Rəsmi saytımız: [ Ссылка ]
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi twitter səhifəmiz: [ Ссылка ]
✅ Rəsmi teleqram səhifəmiz: [ Ссылка ]
✅ Rəsmi youtube kanalımız: [ Ссылка ]
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv
