Մի քանի ժամից կլրանա 10 տարին, ինչ այստեղից մոտ 800 կմ հեռու մի երկրում սկսվել է պատերազմը: Այն սարսափը, որ 44 օրում մեզնից խլեց անկախության տարիներից կառուցած բոլոր մեծ թե փոքր ուրախությունները, Սիրիայում շարունակվում է արդեն 1 տասնամյակ:
Ով ասես չի կռվում Սիրիայում: Համարվում է, որ դա հակամարտություն է Սիրիայի օրինական իշխանության և իրեն ընդդիմություն հռչակած Սիրիայի ազատ բանակի միջև: Խնդիրն այն է, որ, այսպես կոչված, ընդդիմությանը օգնում են Սաուդյան Արաբիայի, Թուրքիայի, Միացյալ Նահանգների, Եվրոպական շատ երկրների կողմից ռազմական ու ֆինանսական աջակցություն ստացող կազմակերպությունները:

Այս շաբաթ Թուրքիան, Ռուսաստանը եւ Կատարը նոր՝ եռակողմ խորհրդատվություններ սկսեցին որոշել են համատեղ ջանքեր գործադրել սիրիական հակամարտության քաղաքական կարգավորումը խթանելու համար: Նման 100-ավոր քննարկումներ են եղել հակամարտության 10 տարում: 2016-ին անգամ հաջողվել է հրադադար հաստատել, բայց ի՞նչ է հրադադարը, երբ երկիրն արդեն դարձել է աշխարհաքաղաքական շահերի բախման թատերաբեմ:

Սիրիական Ճգնաժամի սկզբից՝ այդ երկրում ծնվել է ավելի քան 6 միլիոն երեխա: 6 միլիոն փոքրիկ, որ ծնված օրից ոչինչ չի տեսել, բացի պատերազմն ու տեղահանությունը, սովն ու փախստականների ճամբարները: Յունիսեֆի տվյալով յուրաքանչյուր 10 ժամը մեկ Սիրիայում՝ մեկ երեխա է սպանվում:

свернуть