“Azərbaycan xalçaçılığı sənəti”nin UNESCO-nun Qeyri-maddi Mədəni İrs üzrə Reprezentativ Siyahısına daxil edilməsinin 10 illik yubileyi münasibətilə tədbir keçirilib.
APA TV xəbər verir ki, tədbirdə həm də “Azərbaycan Milli Xalça Muzeyi təcrübəsində boyanmamış yundan toxunan xalçalar" layihəsinin təqdimatı olub:
Azərbaycan Milli Xalça Muzeyinin direktoru Şirin Məlikova deyir ki, layihə çərçivəsində beş klassik xalçanın təbii yunun öz rəngindən istifadə edərək toxunan replikaları sərgilənir: "Təqdimatda layihə çərçivəsində bu il Azərbaycan Milli Xalça Muzeyinin kolleksiyasında qorunan beş klassik xalçanın təbii yunun öz rəngindən istifadə edərək toxunan replikaları sərgilənir. Xalçaların toxunmasında Mazex, Şirvan, Qaradolaq, Bozax qoyun cinslərinin yunundan istifadə edilib. Sərgidə xalçaların toxunuşunda istifadə edilən yun nümunələri, onlardan əyrilən iplərlə də tanış ola bilərsiniz".
Tədbirdə çıxış edən Mədəniyyət Nazirinin birinci müavini Anar Kərimov vurğulayıb ki, hər bir xalqın qədimliyi onun adət-ənənələrindən görünür: "Bizim xalçaçılıq sənəti bu meyarlara tam cavab verir. Azərbaycanın hər bir guşəsində özünəməxsus xalçaçılıq sənəti mövcuddur. Bu ənənənin ən görkəmli nümunələrindən biri kimi də Qarabağ xalçaçılıq sənətini göstərmək olar. 30 ilə yaxın sanki bu sənət girov götürülmüşdü. Torpaqlarımızın işğaldan azad edilməsi ilə biz xalçaçılıq sənətini yenidən dirçəltmiş olacağıq, Ordumuz irəlilədikcə Qarabağ xalçalarının solmuş rəngləri yenidən canlandı".
Həmçinin qeyd edilib ki, Azərbaycan uzun illərdir ki, UNESCO ailəsinin bir üzvünə çevrilib. Və bu münasibətlərin gələcəkdə daha da möhkəmlənəcəyi vurğulanıb.
Rəsmi facebook səhifəmiz: [ Ссылка ]
Rəsmi instagram səhifəmiz: [ Ссылка ]
Rəsmi twitter səhifəmiz: [ Ссылка ]
#apatv #apaxeber
