لاسرا الليل وسرا الشاعر وغنا
وقامت افكاره تجي منا ومنا
اعرف ان الوضع والدعوى بها انا
لو طريقه صعب مادور بديله

ابين من الصدق في وجه الحقيقه
واعجل من الصادق لفزعة رفيقه
لويصير الوقت والدنيا حريقه
مانهاب الكايده والمستحيله

ماحضرنا بالحضور الاعتيادي
في عيون الصاحب وعين المعادي
من يقول ان البحر ساكن وهادي
قل له ان اللي مايدري عزتي له

من ينافسنا على همه يعود
مير خله لالقيناه يتجوّد
خصمنا دايم على ضيمه معوّد
مايحصل مخرج ودرب ووسيله

من وفانا والوفا منا وفينا
لاغرابه كان للوافي وفينا
لاحتفلنا بالجلال ولااحتفينا
تحتفل معنا لهم روس القبيله

في حمد وافراحه وليلة زفافه
نفتح صدور الغلا قبل الضيافه
نسل من مايحسب حساب الكلافه
راعي الماجوب واليمنى الجزيله

باسم ساكت والمكارم والجماله
ورث السمعه لربعه ولعياله
يفتخر في سمعته عمه وخاله
امتصدر بالمراجل يوم جيله

مرحبا ترحيبة الطيب ومقامه
كنها الترحيب في قصر اليمامه
عند من باللازمه يكرب حزامه
مايحسب للكثيره والقليله

الكرم والطيب واليمنى النديه
والهلا والمرحبا والنار حيه
ياعسى ايام الفرح معهم مديه
والهنا مع كل يوم وكل ليله

свернуть