Մ4 Երեւան-Սեւան ավտոճանապարհի Գեղարքունիքի մարզի հիմնանորոգման ենթարկվող հատվածի ֆրեզված հին ասֆալտբետոնյա ծածկույթից առաջացած խառնուրդով հարթեցվում են Գեղարքունիքի մարզի մի շարք համայնքների գլխավոր կամ երկրորդական նշանակության ճանապարհներ, իրականացվում փոսային նորոգումներ:
Ֆրեզված ասֆալտբետոնյա խառնուրդը համայնքներին հատկացվում է անվճար՝ համաձայն Գեղարքունիքի մարզպետ Իշխան Սաղաթելյանի եւ կապի, տրանսպորտի եւ տեղեկատվական տեխնոլոգիաների նախարար Աշոտ Հակոբյանի միջեւ ձեռք բերված պայմանավորվածության:
Գեղամավան համայնքում շարունակվում են այդ աշխատանքները գյուղից դեպի գերեզմանոց տանող ճանապարհահատվածում:
