#oranews #agimkajmaku
Ish-kryebashkiaku socialist i Vorës Agim Kajmaku është arrestuar nga policia italiane, pasi është kapur me 20 kilogramë lëndë narkotike e llojit kokainë, e cila nëse do të hidhej në treg do të kapte vlerën e 1 milionë eurove. Kandidati i Edi Ramës për të drejtuar Bashkinë e Vorës Agim Kajmaku tronditi politikën shqiptare 3 vite më parë pasi rezultoi se kishte mashtruar me formularin e dekriminalizimit, duke fshehur identitetin Jorgo Toto, me të cilin ishte ndjekur penalisht edhe në Greqi.
Policia italiane ka arrestuar për trafik droge ish-kryetarin socialist të Bashkisë së Vorës Agim Kajmaku.
Mësohet se arrestimi i Kajmakut ka ndodhur në 27 maj të këtij viti, ku gjatë operacionit të bërë nga autoritetet italiane i janë gjetur edhe 20 kg kokainë, e cila nëse do të hidhej në treg do të kapte vlerën e 1 milion euro.
Saktësisht Agim Kajmaku është arrestuar në 27 maj 2022 me 20 kg kokaine në zonën e San Benedeto del Tronto.
Sa i përket hetimeve mësohet se për rreth 60 ditë Kajmaku dhe grupi të cilit i shërbente ishte nën vëzhgim të rreptë 24 orë nga policia italiane.
Për të ndjekur hap pas hapi çdo lëvizje, policia italiane ka montuar kamera në disa akse banesa dhe lagje ku kryheshin bisedat dhe takimet që kishin tematikë aktivitetin e paligjshëm të lëndëve narkotike në shtetin fqinj dhe Evropë.
Pas kapjes së tij autoritetet italiane kanë kërkuar informacione te autoritetet shqiptare në lidhje me këtë shtetas i cili ka qenë ndër personat më të rinj që i është bashkuar grupit.
Për më shumë se 8 muaj policia italiane kishte rënë në gjurmët e tij, ndërsa nisi ta mbante në vëzhgim derisa u arrestua me 20 kilogramë kokainë.
Agim Kajmaku, ish kryebashkiaku i Vorës ka zgjidhur problemet me drejtësinë shqiptare, por tashmë sapo i ka hapur ato me drejtësinë italiane.
Ai u zgjodh kryebashkiak në zgjedhjet lokale të vitit 2019, ku opozita nuk mori pjesë, por nuk e gëzoi për shumë kohë atë mandate.
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
