#oranews #elbasan

Arbër Paplekaj, ish-efektivi i Forcës RENEA i akuzuar për vrasjen e Pjerin Xhuvanit në Elbasan, kërkon rrëzimin e hetimit për ngjarjen që përgjaku fushatën në zgjedhjet e 25 prillit 2021. Vendimi pritet të hënën.

Pas 6 dështimeve radhazi, në Gjykatën e Elbasanit u mbaj seanca paraprake për ngjarjen që përgjaku fushatën e zgjedhjeve të përgjithshme të 25 prillit 2021.

Arbër Paplekajt, i akuzuar për vrasjen e simpatizantit të PS, Pjerin Xhuvani, kërkoi rihetimin e dosjes së prokurorit Ritvan Sukaj dhe rishqyrtim të akteve të ekspertizës.

Ish-efektivi i Forcës Speciale RENEA, ka kërkuar nga togat e zeza po ashtu përsëritjen e ekspertimentit hetimor në skenën e ngjarjes në lagjen "5 Maji", me pretendimin se ai dhe avokati i tij nuk ishin lajmëruar.

KETU LAJMET MINUTE PAS MINUTE

Prokuroria ka kërkuar kohë për të shqyrtuar kërkesat e avokatëve, ndërsa gjykata e Elbasanit pritet të shprehet me vendim ditën e hënë në orën 12:45.

Ngjarja u shënua më 21 prill dhe u filmua nga një kamera sigurie.

Ish-efektivi i forcës RENEA, ishte pjesë e strukturës së Partisë Demokratike për mbrojtjen e votës, të cilët ndaluan fillimisht Mehmet Grecën me dyshimin se po blente vota për llogari të Partisë Socialiste.

Debatet përshkallëzuan me plumba, të cilët i morën jetën mjekut Xhuvani dhe lanë 4 të plagosur, mes të cilëve edhe efektiven e policisë Xhensila Sota.

Ish nën-drejtorët e policisë vendore, Nikollaq Palla dhe Albert Nushi po hetohen me masën "arrest shtëpie", ndërsa 6 efektivë të forcës "Shqiponja" u pezulluan nga detyra.

Ata akuzohen se nuk vepruan sipas ligjit për të parandaluar konfliktin që përfundoi në vrasje.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть