Göygöldə silsilə oğurluq və soyğunçuluqda şübhəli bilinən şəxs saxlanıldı - BAKU TV
[ Ссылка ]
[ Ссылка ]
[ Ссылка ]
[ Ссылка ]
[ Ссылка ]
Göygöl rayonunda qadın əczaçıya hücum edilib. Sonradan həmin şəxs polis tərəfindən həbs olunub.
Göygöl Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində saxlanılan, əvvəllər də məhkum olunmuş Samir Əsgərov rayon ərazisindəki mağaza və apteklərdən silsilə oğurluq və soyğunçuluq etməkdə şübhəli bilinir.
Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, Samir Əsgərovun rayonun Yeni Qızılca kəndindəki mağazadan 1900 manat pulu, aptekdən isə 2000 manat dəyərində dərman preparatlarını oğurlaması müəyyən edilib.
Bundan başqa, saxlanılan şəxs ətrafında keçirilən istintaq tədbirləri zamanı 2021-ci ildə rayon ərazisində soyğunçuluq cinayəti törətməsi də məlum olub. Belə ki, Samir Əsgərov aptekə daxil olaraq orada satıcı işləyən qadına zor tətbiq edərək kassada olan pulu tələb edib, ancaq müqavimətlə üzləşdiyindən cinayəti başa çatdıra bilməyib.
Şübhəli şəxs saxlanılaraq istintaqa təhvil verilib, faktlarla bağlı Göygöl RPŞ-də cinayət işi başlanılıb, araşdırmalar davam etdirilir.
Göygöldə silsilə oğurluq və soyğunçuluqda şübhəli bilinən şəxs saxlanıldı
© 2023 © All Rights Reserved ℗ Baku TV
#aptek #qadinidoydu #goygolhadise
