Елімізде балалар құқығын қорғайтын «111» байланыс орталығы ашылды. Бұл туралы елордада өтіп жатқан «Балаға мейірімді Қазақстан» атты республикалық форумда айтылды.

Енді кез келген бала аталған нөмірге хабарласып, көкейіндегі сұрақты қоя алады. Қоңырауға арнайы дайындықтан өткен психологтар мен операторлар жауап береді.

Күндіз-түні жұмыс істейтін орталық бірде-бір баланың шағымын қараусыз қалдырмақ емес. 500-ге тарта баланың басын қосқан бүгінгі форум алаңында жеткіншектердің жеткен табыстары да сөз болды.

Мемлекеттік хатшы Гүлшара Әбдіқалықова Қазақстан дарынды балалар тәрбиелеген 100 елдің ішінен 12-орынға жайғасқанын хабарлады. Биылдың өзінде 1200 бала түрлі халықаралық жарысқа қатысып, жүлделі орынға ие болған екен.

свернуть