Մոսկվայի առաջնորդանիստ Մայր տաճարում Սուրբ Ծննդյան Պատարագին մասնակցել են ոչ միայն Մոսկվայի, այլեւ մերձմոսկովյան շրջանների ու մոտակա քաղաքների հայերը։ Քաղաքացիների մի մասը դրսից է հետեւել արարողությանը։ Սուրբ Պատարագը մատուցել է թեմակալ առաջնորդ Տեր Եզրաս արքեպիսկոպոս Ներսիսյանը: Պատարագին հաջորդել է ջրօրհնեքի արարողություն։ Որպես գնահատանք եկեղեցաշեն և ազգանվեր գործունեության՝ Սուրբ Պայծառակերպություն եկեղեցու 2025 թվականի ջրօրհնյաց խաչքավոր է ընտրվել Գեորգի Ավագումյանը:
