Бүгін қала әкімі Асхат Шахаров ірі бөлшек сауда кәсіпорындары, азық-түлік базарлары, жергілікті тауар өндірушілері және шаруа қожалықтары иелерімен өзара түсіністік пен ынтымақтастық туралы меморандумдарға қол қойды. Меморандум шеңберінде «Анвар», «DINA MARKET» сияқты ірі сауда желілері әлеуметтік маңызы бар азық-түлік тауарларының негізгі бағасына үстемақыны 5 пайыздан асырмауға уағдаласты. Келісімнің мақсаты - әлеуметтік маңызы бар азық-түлік тауарларына бағаны тұрақтандыру, қала тұрғындарын қолжетімді әрі сапалы азық-түлікпен қамтамасыз етуде өзара келісім механизмін орнату және де жергілікті тауар өндірушілерге қолдау көрсету. Жергілікті тауар өндірушілер алдымен ішкі нарықтың сұранысын қанағаттандыруға, тауар бағасын шамадан тыс өсірмеуге келісті. Азық-түлік базарлары өз кезегінде сауда орындарын жалға алу құнын негізсіз көтеруге жол бермеу жөніндегі құжатқа қол қойды. Ал қаламызда биыл 60 мәрте ауыл шаруашылығы жәрмеңкесі өтті. Жиынның соңында қала әкімі жәрмеңкеге белсене қатысқан 35 ауыл шаруашылығы өндірушілерін марапаттады.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
