Соттан тыс банкроттық туралы
Кредит берешегі қалай кешіріледі?
Наурыздан бастап елімізде жеке тұлғаларды банкрот деп тану рәсімі басталды.
Яғни адамның банк, микроқаржы ұйымы және коллектордың алдындағы міндеттерін (несиесін) тоқтату және жоюға болады.
Соттан тыс банкроттықты жасау үшін:
1 - берешек 5,5 млн теңгеден (1600 АЕК) аспауы,
2 - соңғы 12 айда несие өтелмеуі,
3 - мүліктің, ортақ меншіктегі мүліктің болмауы,
4 - банкпен, микроқаржы ұйымымен борышты реттеу туралы құжаттың болуы (қарызды өндіру туралы сот шешімі, атқару құжаты және т.б.).
5 - бұрын банкроттық рәсімінің қолданылмауы қажет.
Егер Сіз соңғы 6 айда мемлекеттік атаулы әлеуметтік көмек алсаңыз, кредиттің 12 айда төленуі шарты есептелмейді.
Арызды «Азаматтарға арналған үкімет», egov.kz порталына немесе БҚО Мемлекеттік кірістер департаментіне жазу керек.
Арызда аты-жөніңіз, ЖСН, адрес, телефон номері, банктің атауы мен адресі, берешек сомасы көрсетесіз.
Арызға кредит бойынша қарызды өндіру туралы сот шешімін, атқару құжатын, банктің, сот орындаушының, коллектордың хаттарын және т.б. жалғайсыз.
Арыз бергесін Сіз туралы мәлімет 15 күнде порталға салынады.
Сосын: Сізге банк, микроқаржы ұйымы не коллектор кредитті төле деп, талап қоя алмайды, несие бойынша тұрақсыздық айыбы (өсімпұл, айыппұл) және сыйақыны тоқтатылады, жаңа несие ала алмайсыз, банктегі шотыңыздан ақша өндірілмейді және Сізге қатысты борышты өндіру туралы сот шешімі тоқтатылады.
Банкрот деп тану 6 айдың ішінде аяқталады.
Толық ақпаратты kgd.gov.kz сайтынан, [ Ссылка ] базасынан («Қазақстан Республикасы азаматтарының төлем қабілеттілігін қалпына келтіру және банкроттығы туралы» Заңы), 1414 номерінен және Telegram чат [ Ссылка ] арқылы алуға болады.
Банкрот деп танығасын, Сізге алдағы 5 жылда кредит берілмейді және кепіл қабылданбайды.
Көмек керек болса, Орал, Қасым Аманжолов к., 98, «АРС» БО, 28 офисқа қош келесіз)))
