Шымкентте биыл шалғайдағы көшелерді жөндеуге басымдық берілмек. Өйткені халқы миллионға жеткен республикадағы үшінші қаланың аумағына қырықтан астам елдімекен қосылған. Барлық жөнделетін көшенің елу пайызын құрайтын шалғай елді-мекендердегі жолдардың жөндеу жұмыстарын билік қазан айына дейін толығымен аяқтамақ.
Шымкент әкімдігі ең алдымен спорттағы жетістіктеріне тоқталды. Токиода өтетін олимпиадаға ел бойынша 72 лицензия қаралған болса, оның оны бізде деді. Бұл республикадағы жоғарғы көрсеткіш. Ал, жолаушы тасымалына әкелінген 590 жаңа газды автобустың әзірге 300-і іске қосылыпты. Қалғаны қосу үшін қосымша газ құю бекеттерін ашу қажет екен.
МАҚСҰТ ИСАХОВ, Шымкент қаласы әкімінің орынбасары:
– Қазір үшінші және төртінші, екі заправканың құрылысын жобалау жұмыстары басталып жатыр. Екеуі де жеке инвестиция есебінен. Біз өзіміз жақтан көмектесіп жатырмыз. Біздің жоспарымыз жылдың аяғына дейін сол 590 автобусты енгізу.
Шымкентте 3000 шақырымнан астам жол болса биыл оның 295-не жөндеу жұмыстары жүргізілмек. Жыл соңына дейін 248 шақырым пайдалануға берілетін болды. Ал 153 шақырым көшеге тас төселеді.Қалада жолайрықтарды да ұзарту көзделген. Асфальт төсеу бойынша басымдық тек орталыққа емес, шалғайдағы көшелерге де берілмек.
ЕРЖАН ЖОЛДАСОВ, Шымкент қалалық жолаушылар көлігі және автомобиль жолдары басқармасының басшысы:
– Мынау тұрған осы Бәйдібек би - Қонаевтың шығуы бірінші октябрьге жоспарлап отырмыз осыны. Жалпы нысан декабрь айында ашылады. Енді бұл жерде қаржы барлығы қаралған. Қаржы бар, подрядчик бар. Отставание жоқ.
Қаланың қоғамдық көліктерінде «Төлем» электрондық билеттендіру жүйесі іске қосылғалы, жолаушылардың сексен пайыздан астамы картамен төлем жасаған. Тұрғындар автобустардың қозғалысын онлайн бақылай алады. Ол үшін «I-kolik» мобильдік қосымшасы пайдалануға берілді.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Шымкент #қала_дамуы #инфрақұрылым
